Hydrant

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

En Hydrant ass en Deel vun der zentraler Läschwaasserversuergung vu Stied a Gemengen. En erméiglecht de Pompjeeën, awer och ëffentlechen (z. B. Gemengendéngscht, Ponts et Chaussées) a privaten (z. B. Konstruktiounsfirmen, Betriber, Gemengeclibb fir Fester) Benotzer, Waasser aus dem ëffentleche Waasserleitungsnetz ofzezapen.

Iwwerflouerhydrant

En Iwwerflouerhydrant ass, wei den Numm et seet, e fest installéierten Hydrant iwwer dem Buedem an huet e puer Ofgäng mat genormte Kupplungen. Gewéinlech sinn dës d'Nenngréisste B oder C a manner dacks och A, wat deemno vun der Zouleitung ofhänkt.

Bei engem Pompjeesasaz gi fir d'Waasserversuergung eng oder zwou B-Leitunge bei d'Sammelstéck um Pompelagang verluecht. Beim Gebrauch vun zwéi B-Schläich ass den Drockoffall an der Zouleitung net sou grouss, wéi wa nëmmen ee Schlauch geholl gëtt. Sou kann eng méi grouss Streck iwwerbréckt a Waasserquantitéit ofgezaapt ginn.

Ënnerflouerhydrant

En Ënnerflouerhydrantendeckel

Vum Ënnerflouerhydrant ass no bausse just den Hydrantendeckel ze gesinn. Den Hydrant selwer läit gutt protegéiert ënner dem Buedem. Virun der Benotzung muss een e Standrouer dropsetzen an den Hydrant mam Hydranteschlëssel opdréien.

Kuckt och

Um Spaweck

Commons: Hydranten – Biller, Videoen oder Audiodateien