Het Wilhelmus

Dësen Artikel beschäftegt sech mat der hollännescher Hymn. Fir aner Bedeitungen, kuckt wgl. Wilhelmus (Homonymie).

Het Wilhelmus („De Wëllem“), offiziell Wilhelmus van Nassouwe („Wëllem vun Nassau“), ass zënter 1932 d'National- a kinneklech Hymn vun Holland.

Partitur vum Wilhelmus van Nassouwe

Het Wilhelmus, Melodie lauschteren

D'Lidd ass zënter 1574 bestätegt a geet op den Ufank vum Achtzegjärege Krich zeréck. Den Opstand vun den Nidderlanden géint de Felipe II. vu Spuenie gouf vum Wëllem I. vun Orange-Nassau ugefouert, engem Virfar vun der kinneklecher Famill vun Holland.

Het Wilhelmus zielt als eng vun den eelsten Nationalhymnen op der Welt, s'ass awer eréischt zënter 1932 déi offiziell Nationalhymn vun Holland.

Text

Den Originaltext ass als Akrostichon geschriwwen, d. h. e Gedicht bei deem déi éischt Buschtawe vun all de Versen en neit Wuert oder en Numm erginn; an dësem Fall ass et „Willem van Nazzov“ ((lb) Wëllem vun Nassau).

Het Wilhelmus an de Lëtzebuerger Wilhelmus hunn e gemeinsamen Ursprong. Den Text vu béiden Hymne war bis 1915 identesch, well e sech op de Kinnek vun Holland bezunn huet, dee bis 1890 a Personalunioun och Groussherzog vu Lëtzebuerg war.

Den ursprénglechen Text ass a Mëttelhollännesch geschriwwen, eng Versioun déi warscheinlech eng Transkriptioun vun engem verluerene Fréineihéichdäitschen Originaltext ass.

Wilhelmus van Nassouwe – 1. Stroph

Original vu 1568	Offiziellt Hollännescht	Däitsch Iwwersetzung
Wilhelmus van Nassouwe Ben ick van Duytschen bloet Den Vaderlant getrouwe Blyf ick tot in den doet: Een Prince van Oraengien Ben ick vrij onverveert, Den Coninck van Hispaengien Heb ick altijt gheeert.	Wilhelmus van Nassouwe ben ik, van Duitsen bloed, den vaderland getrouwe blijf ik tot in den dood. Een Prinse van Oranje ben ik, vrij onverveerd, den Koning van Hispanje heb ik altijd geëerd.	Wilhelm von Nassau bin ich, von duytschem Blut, dem Vaterland treu bleibe ich bis zum Tod. Ein Prinz von Oranien bin ich, frei, furchtlos, den König von Spanien habe ich immer geehrt.

Kuckt hei drënner fir de ganzen Text.

Um Spaweck

Wikisource: Het Wilhelmus – Quellentexter

Commons: Wilhelmus – Biller, Videoen oder Audiodateien