Harmony (ISS)
Den Harmony (englesch fir Harmonie) ass no Unity, den zweete Kopplungsmodul (fréier Node 2 genannt) vun der Internationaler Raumstatioun (ISS). Den 8. Februar 2010 ass mam Tranquility nach en drëtten Deel derbäikomm.
| Harmony | |
|---|---|
 | |
| Typ | ISS - Modul |
| Land |  USA
|
| Agentur | NASA an ESA |
| Mass | 14,5 t |
| Volumen | zirka 75,5 m³ |
| Längt | 7,2 m. |
| Duerchmiesser | 4,4 m. |
| Start | 23. Oktober 2007 |
| Startplaz | |
| Drorakéit | |
| Status | aktiv |
Den Harmony ass 6,71 m laang, huet en Duerchmiesser vu 4,48 m an eng Startmass vu 14,5 t. De Volumen ass zirka 75,5 m³. De Modul huet iwwer aacht Racks, déi fir de Ravitaillement vun der Statioun mat Loft, Elektrizitéit a Waasser déngen, souwéi aner liewensnoutwendeg Systemer enthalen.
Den Harmony kontrolléiert a verdeelt d'Ressource vun der Drostruktur a vum US-Laboratoire Destiny zu de verbonnene Segmenter; dem europäesche Columbus-Laboratoire, dem Centrifuge Accommodations Module (no jéngste Pläng gestrach), dem Kopplungsadapter PMA-2, dem japanesche Wëssenschaftsmodul Kibō, dem Méizweck-Logistikmodul an dem HTV-Transportgefier. Zudeem ass et den Ausgangspunkt fir den ISS Remote Manipulator System.
De Modul gehéiert zum US-amerikaneschen Deel vun der Statioun a gouf vun Alenia Spazio (Italien) am Optrag vun der Europäescher Weltraumorganisatioun (ESA) an der Agenzia Spaziale Italiana fir d'NASA gebaut. Déi transportéiert dofir am Géigenzuch de Raumlaboratoire Columbus op d'ISS.
Den Harmony gouf mat engem Airbus Beluga vun Turin an d'USA geflunn a koum den 1. Juni 2003 um Kennedy Space Center un. Den 18. Juni war déi offiziell Liwerung un d'NASA. De Modul gouf den 23. Oktober 2007 mat der Space-Shuttle-Missioun STS-120 op d'ISS geschéckt a gouf dräi Deeg méi spéit virleefeg un d'Unity montéiert. Op senger definitiver Plaz gouf de Modul de 14. November 2007 um Destiny Labor festgemaach.
Kuckt och
änneren
Um Spaweck
änneren| Commons: Harmony – Biller, Videoen oder Audiodateien |
- (en) ESA: Donnéeën iwwer den Harmony
- (en) NASA Feature: Harmony Node 2
- (en) NASA: Space Station Module In Perfect ‘Harmony’ With New Name, 14. Mäerz 2007