Gran Sasso

De Gran Sasso, ital.:Grousse Fiels, ass e Biergmassiv an den Abruzzen an Italien.

De Corno Grande

Dës héchst Biergketten op der Appeninnenhallefinsel ass deen ëstlechsten an héchsten Deel vun den Abruzzen. Déi héchst Spëtz vum Gran Sasso ass de Corno Grande, mat 2.912 Meter. Op senger Nord­säit ass dee südlechste Gletscher an Europa, den Ghiacciaio del Calderone (Calderone-Gletscher).

E Groussdeel vum Gran Sasso gehéiert zum Gran Sasso Nationalpark a lackelt vill Wantersportler a Biergspadséiergänger un.

D'Spëtz vum Corno Grande

Geschichtleches

Am Zweete Weltkrich gouf um Gran Sasso de gestierzte faschisteschen Diktator Benito Mussolini gefaangegehal, ier en den 12. September 1943 vun engem däitsche Fallschiermjeeër-Kommando befreit gouf, a mat engem Fieseler Storch a Sécherheet bruecht gouf.

Um Spaweck

• Gran Sasso Nationalpark
• D'Websäit vum Laboratoire

Commons: Gran Sasso – Biller, Videoen oder Audiodateien