Florent Antony
De Florent Antony, gebuer den 1. Mäerz 1913 zu Rëmeleng, a gestuerwen den 12. Juli 1974 zu Hamburg, war e lëtzebuergeschen Acteur.[1]
| Florent Antony | |
|---|---|
| Gebuer |
1. Mäerz 1913 Rëmeleng |
| Gestuerwen |
12. Juli 1974 Hamburg |
| Nationalitéit | Lëtzebuerg |
| Aktivitéit | Filmschauspiller, Theaterschauspiller |
| Famill | |
| Bestuet mat | Stenia Zapalowska |
| Papp | Florentin Antony |
| Kanner | Jaga Antony |
 | |
No engem Joer Medezinstudium huet hie bis 1937 zu Köln an zu Frankfurt Schauspill, Konschtgeschicht an Theaterwëssenschaft studéiert.[2] Vun 1937 un hat hien Engagementer zu Frankfurt/Main, zu Neustrelitz, vun 1940 bis Mëtt 1943 am besate Polen an dono bis 1944 zu Berlin, vu wou en op Lëtzebuerg goung.[3] Nom Zweete Weltkrich war hien als Telefonist bei RTL beschäftegt. Vun 1948 bis 1950 war hien als Acteur (Film an Theater) zu Paräis.[1]
Dono war hie e puer Joer zu Lëtzebuerg, wou en ë. a. 1953 de Wëlzer Festival gegrënnt huet. Vun 1954 u war hie just nach als Schauspiller an Däitschland aktiv. Hien hat do Engagementer beim Kleines Theater im Zoo zu Frankfurt/M., bei de Städtische Bühnen Freiburg/ Br., Junges Theater Hamburg, beim Staatstheater Braunschweig, der Staatsoper Hamburg, dem Deutschen Theater Berlin, der Landesbühne Hannover, dem Südbayerische Städtetheater Landshut, dem Stadttheater Augsburg, dem Stadttheater Bonn, dem Rheinische Landestheater Neuss, de Kammerspiele Hamburg, dem Theater im Zimmer Hamburg, a beim Künstlertheater Hamburg. Do dernieft hat hie Rollen an enger ettleche Filmer an Televisiounsproduktiounen.[4]
De Florent Antony war de Fils vum Dr. Florentin Antony. Hie war mat der Stenia Zapalowska bestuet, mat där en eng Duechter, d'Jaga Antony, hat. 1974 huet hie sech fir d'zweet mat der Schauspillerin Lotte Maria ('Sabine') Brandt bestuet, mat där en zanter 1953 zesumme war.[5]
Filmographie
änneren- 1947: La passion d'Evelyne Clery, Regie: Jean Strelli
- 1949: Dr. Laënnec, Regie: Maurice Cloche
- 1952: Le banquet des fraudeurs, Regie: Henri Storck
- 1957: Bekenntnisse des Hochstaplers Felix Krull, Regie: Kurt Hoffmann
- 1960: Die letzte Probe, Regie: Harry Erlich - (TV)
- 1960: Pickhuhns Geburtstag, Regie Helmut Hellstorff - (TV)
- 1960: Gastspiel im Dschungel, Regie: Johannes Kaittel - (TV)
- 1961: Der Ermordete greift an Regie: Kurt Jung-Alsen - (TV-Serie)
- 1962: Das Rätsel der roten Orchidee, Regie Helmut Ashley
- 1970: Miss Molly Mill, Regie: Thomas Engel - (TV- Serie))
Literatur
änneren- Hausemer, G., 2006. Luxemburger Lexikon. Das Großherzogtum von A-Z. Éditions Binsfeld, Luxembourg, 479 S.
- Lieb, Daniela, 2013a. Vor dem schwarzen Loch: Notizen zu den Erinnerungen der Tänzerin Stenia Zapalowska. In: Galerie: revue culturelle et pédagogique. - Differdange. - 31 (2013), n° 4, S. 567-608.
- Lieb, D., 2013b. Voll Zuversicht und Glaube: Florent Antony und die Ewige Madonna (1950): produktionshistorische Aspekte eines Luxemburger Dokumentarfilms. - In: Hémecht: Zeitschrift für Luxemburger Geschichte = revue d'histoire luxembourgeoise. - Luxembourg. - Jg. 65 (2013), H. 4, S. 403-424.
- Lieb, D., 2013c. »Unser Landsmann Florent Antony«: Notizen rund um ein scheinbar unscheinbares Dokument. - In: Fundstücke = Trouvailles 2012/2013. - S. 108-127.
- Lieb, D., 2014. Ein Leben am Rande der Verzweiflung: der Luxemburger Schauspieler Florent Antony im Spannungsfeld von Kriegslast und Rekonstruktion. - In: Hémecht: Zeitschrift für Luxemburger Geschichte = revue d'histoire luxembourgeoise. - Luxembourg. - Jg. 66 (2014), H. 1, S. 53-80.