Eisebunnsbréck vu Cubzac

Geographesch Koordinaten:

44° 58’ 06.32’’ N 00° 28’ 06.70’’ W

D'Eisebunnsbréck vu Cubzac iwwer d'Dordogne ass eng Bréck op der Streck Chartres-Bordeaux um PK 594,750 tëscht Cubzac-les-Ponts a Saint-Vincent-de-Paul am Departement Gironde.

Eisebunnsbréck vu Cubzac vum lénksen Uwänner gesinn

Eisebunnsbréck vu Cubzac vum lénksen Uwänner gesinn

D'Bréck gouf 1866 a Betrib geholl. De gréissten Deel ass e Fachwierkbau am Fer forgé. Se ass am Ganzen 2.178 Meter laang, 21,80 Meter breet an Haaptdrowäit ass 73,60 m.

Se besteet aus véier groussen Deeler:

• Eng Opfaart op d'Haaptbréck mat engem Fachwierkbau ënner dem Tablier vun 291 Meter.
• D'Haaptbréck iwwer d'Dordogne mat engem Fachwierkbau iwwer dem Tablier mat 562 Meter op siwe Pilieren.
• En Deel vu 600 Meter am Fachwierkbau ënner dem Tablier deen eng Kéier bilt.
• E gebauten Deel aus Hasteng vu 725 Meter mat 50 Béi, deen d'Fortsetzung vun der Kéier bilt.

Aarbechten un der Bréck

• 2012 goufen d'Longrinen ersat.
• Vun 2015 un soll d'Bréck nei mat enger Antiraschtfaarf ugestrach ginn. Déi Aarbecht soll sech iwwer e puer Joer erauszéien an 23 Milliounen Euro kaschten.

Literatur

• Lévi, Robert Le relevage et le sauvetage des ponts métalliques, dans "Travaux", décembre 1946, n. 146.
• Montens, Serge Les plus beaux ponts de France, Bonneton, Paris (France), ISBN 2862532754, 2001; pp. 98.
• Prade, Marcel Ponts et viaducs au XIXème siècle, Poitiers (France), 1988; pp. 285–287.

Kuckt och

• Bréck vu Cubzac (1836)
• Bréck vu Cubzac (1883)

Um Spaweck

• D'Bréck vu Cubzac op Structurae mat ville Biller

D'Bréck iwwer der Dordogne Vue op d'Bréck vu Cubzac aus D'Bréck gekuckt an Direktioun St. Vincent de Paul