Dong Fang Hong I
Den Dong Fang Hong I, och bekannt als „China 1“, war den éischten erfollegräiche chineesesche Satellit. E gouf de 24. Abrëll 1970 mat enger Drorakéit vum Typ „CZ-1“ (Chang Zheng 1) gestart. Hie war en Deel vum sougenannten „Dong Fang Hong“-Satellitteprogramm. Mat 173 Kilogramm war en am Verglach zu den éischte Satellitte vun aneren Natioune relativ schwéier. D'Bunnhéicht war 439×2384 Kilometer, d'Bunnschréi war 68,5°. De Satellit hat e Radiosender, dee permanent d'Hymne op de Mao Zedong „Den Osten ass rout“ ausgestraalt hat.
| Dong Fang Hong I | |
|---|---|
 | |
| Land |  China
|
| Agentur | |
| Typ | Kommunikatiounssatellit |
| Apogeum | 2384 km |
| Perigeum | 439 km |
| Bunnschréi | 68,5° |
| Mass | 173 kg |
| Bunn-Ëmlafzäit | 111,6 min |
| Start | 24. Abrëll 1970 |
| Startplaz | Jiuquan |
| Drorakéit | CZ-1 |
| Status | aktiv am Orbit |
Duerch dësen erfollegräiche Satellittestart gouf d'Volleksrepublik China déi fënneft Muecht, déi en eegene Satellit mat enger eegener Rakéit an eng Ëmlafbunn konnt bréngen. Propagandistesch krut Beijing awer en empfindleche Réckschlag duerch den Erfolleg, dee Japan den 11. Februar 1970 mam Mikrosatellit Ōsumi (12 kg) verbuche konnt.
