Democracy - Im Rausch der Daten

Democracy - Im Rausch der Daten ass en däitschen Documentaire vum David Bernet aus dem Joer 2015.

Democracy - Im Rausch der Daten

Film
Produktiounsland	Däitschland
Première	12. November 2015
Dauer	104 min
Faarf	Faarweg
Originalsprooch	Däitsch
Ekipp
Regie	David Bernet
Dréibuch	David Bernet
Fotografie	François Roland Dieter Stürmer Ines Thomsen Marcus Winterbauer
Musek	Von Spar
Schnëtt	Catrin Vogt
Produzent	NDI FILM GmbH Arek Gielnik Dietmar Ratsch
Schauspiller
keng (Documentaire)
Filmportal - Filmer no Joren - Film no Länner - Film no Genre

Ëm wat geet et am Film?

De Film weist, unhand vun der Genèse vum Allgemengen Dateschutz-Reglement, de Wee vn enger Propos vun der Europäescher Kommissioun bis hin zu engem adoptéierte Gesetzestext duerch den europäesche Co-Legislateur, d'Europäescht Parlament an de Conseil vun der Europäescher Unioun. Haaptprotagoniste sinn dobäi d'Viviane Reding, Vizepresidentin vun der Europäescher Kommissioun a Kommissärin fir Justiz, Grondrechter a Citoyennetéit, an den däitsche gréngen Europadeputéierte Jan Philipp Albrecht, Rapporteur vum Gesetzesprojet.

Soss

De Film gouf an Zesummenaarbecht mat de betraffenen europäeschen Institutioune realiséiert. Sou hat d'Equipe vum Film, als éischt iwwerhaapt, Zougank zu Conseilssëtzungen an zu Conciliatiounsverhandlunge vu Kommissioun a Conseil.

De Film krut 2017 den Deutscher Dokumentarfilmpreis. E war och an der Kategorie "Beschten Documentaire" fir den Däitsche Filmpräis nominéiert.

Um Spaweck

Commons: Democracy - Im Rausch der Daten – Biller, Videoen oder Audiodateien

• Iwwersiicht iwwer de Film op democracy-film.de