Dante Donzelli
Den Dante Donzelli, gebuer de 26. Oktober 1909 zu Cattolica op der Adriaküst an Italien[1], a gestuerwen zu Saint-Mihiel de 27. September 1999 [2], war e Sculpteur a Moler vun italieenescher Ofstamung, deen haaptsächlech a Loutrengen gelieft a geschafft huet.
| Dante Donzelli | |
|---|---|
| Gebuer |
26. Oktober 1909 Cattolica |
| Gestuerwen |
27. September 1999 Saint-Mihiel |
| Nationalitéit | Italien, Frankräich |
| Aktivitéit | Sculpteur, Moler |
| Famill | |
| Papp | Duilio Donzelli |
 | |
Liewen
ännerenDen Dante Donzelli ass zu Esch-Uelzecht opgewuess, wouhi seng Famill 1912 aus Italien emigréiert war. Am Alter vun 11 Joer huet de klengen Dante scho sengem Papp Duilio Donzelli gehollef, u Skulpturen ze schaffen. 1924 gouf säi Papp wéinst sengem politeschen Aktivitéiten aus dem Land verwisen, an den Dante ass mat senger Famill op Lacroix-sur-Meuse a Frankräich geplënnert, spéider op Saint-Mihiel. Do huet hie sech de 17. Oktober 1936 bestuet.[1] 1940 ass hien zesumme mat sengem Papp an déi franséisch fräi Zon op Saint-Marcel-lès-Valence wunne gaangen, wou se bis 1945 bliwwe sinn a vill Wierker geschaf hunn.[3]
Nom Zweete Weltkrich koum hien zeréck op Saint-Mihiel, wou hie bis an en héijen Alter Conservateur vun der Benediktinerbibliothéik war.
Zu Saint-Mihiel huet hie säin Atelier fir Skulptur a Molerei bis an d'1990er Jore bedriwwen an huet do 1963 eng Konschtmolereischoul gegrënnt, déi vun der Stad iwwerholl gouf.[3],[4]
Hie war de Grousspapp vun der franséischer Actrice a Regisseurin Valérie Donzelli[5].
Wierker
ännerenZu Esch-Uelzecht sinn en ettlech Skulpture vu sengem Papp Duilio Donzelli a vun him ze gesinn.
- Skulpturen um Sichelgebai zu Esch. (Vu sengem Papp ugefaangen, a vun him fäerdeggemaach)
- Zu Esch op N°8 an der rue Xavier Brasseur 2 Mascarone wouvun een dovun dem Dante seng Mamm duerstellt.
- Monumental Fresk iwwer dem Muttergottesaltor an der Kierch Notre-Dame de l'Assomption zu Void-Vacon (1936)[6]
- Portrait à 40 ans. Molerei op engem Panéil vum 30.12.1948.
- Portrait de mon père à Valence. Molerei op engem Panéil vun 1948 (26 × 34 cm).
- Statu vun der Jeanne Gérard an der Kapell Saint Remi zu Cumières, vun 1960,[7]
- Restauratioun vun der Statu Vierge à l'Enfant, Musée vu Saint-Mihiel.
- Statu vun der Sainte Fine zu Fleury-devant-Douaumont an der Nikloskapell
- Miwwelen an der Parkierch Assomption-de-la-Vierge zu Champneuville
- Molerei vun de Miwwelen an der Parkierch Saint-Sébastien zu Belleville-sur-Meuse
- Statu Saint Airy enfant an der Parkierch Saint Airy zu Harville, (1964)
- Monument fir den Alain-Fournier zu Saint-Remy-la-Calonne, (1964)
Literatur
änneren- Michel, Fabien (dit Baron), 2009. Hommage aux Donzelli, père et fils. Point.com, journal d'informations de Saint-Marcel-lès-Valence - Septembre/Octobre 2009 - n°47: 8.
- Moia, Nelly, 1995. Mascarons de Luxembourg. Esch-sur-Alzette, Polyprint. (Buch online liesen)
Um Spaweck
änneren| Commons: Dante Donzelli – Biller, Videoen oder Audiodateien |
- Privatarchiv mat e puer Biller déi den Donzelli a senger Zäit zu Saint-Marcel-lès-Valence gemoolt huet.
Referenzen an Notten
änneren- ↑ 1,0 1,1 Cf. Michel 2009 an der Literatur.
- ↑ Fichier de décès um INSEE
- ↑ 3,0 3,1 Cf. http://fr.wikipedia.org/wiki/Lacroix-sur-Meuse#Duilio_Donzelli
- ↑ École d'Art de Saint Mihiel
- ↑ estrepublicain.fr 28. August 2011
- ↑ fondation-patrimoine.org archivéiert
- ↑ "Le 26 juin 1960, Monseigneur Petit, évêque de Verdun, inaugure à Cumières une statue de Jeanne Gérard réalisée par le sculpteur sammiellois Dante Donzelli." meuse.fr