Däitschen Zaldotekierfecht Lommel
Den Zaldotekierfecht zu Lommel an der Belsch ass dee gréissten däitschen Zaldotekierfecht vum Zweete Weltkrich a Westeuropa baussent Däitschland. Op enger Fläch vu 16 ha (427x350 m) leien do 542 gefalen däitsch Zaldoten aus dem Éischte Weltkrich an der 38.560 aus dem Zweete Weltkrich. Ee Kräiz steet fir zwéin Zaldoten. Hir Nimm an Donnéeë sinn op metallene Schëlter, op den zwou Säite vun de Kräizer, agedroen.
_,_26-05-2013.jpg) | |
| Land | Belsch |
|---|---|
| Gemeng | Lommel |
| Fläch | 16 ha |
| Ugeluecht | 6. September 1959 |
| Koordinaten |
51° 11’ 20’’ N 05° 18’ 22’’ E |
| Gestioun | Volksbund Deutsche Kriegsgräberfürsorge |
 | |
De Kierfecht gouf de 6. September 1959 ageweit. Virdru louchen déi stierflech Iwwerreschter vun deenen Zaldoten op de Sammelkierfechter vun Henri-Chapelle, Overrepen, Neuville-en-Condroz a Fosse, souwéi, vum Éischte Weltkrich, vu Leopoldsburg. 1946 gouf dermat ugefaangen, s'op Lommel ëmzebetten.
Pro Joer ginn iwwer 30.000 Leit de Kierfecht besichen..
De Volksbund Deutsche Kriegsgräberfürsorge këmmert sech zanter 1953 ëm de Kierfecht, zu deem och e groussen Informatiounszentrum gehéiert.
Um Spaweck
änneren| Commons: Däitschen Zaldotekierfecht Lommel – Biller, Videoen oder Audiodateien |
