Concomber

D'Concomber, och nach Grouss Kornischong oder just Kornischong (Cucumis sativus), ass eng Aart aus der Famill vun de Kürbisgewächser an och hir gréng fest Bierefruucht déi een iesse kann. Wéi all Bierefriichte gëtt se hire Som eréischt fräi, wann d'Fruuchtfleesch vergeet. Si besteet bis zu 97 Prozent aus Waasser. Mat 9,7 kcal pro 100 g gëllt s'als kalorienaarm. Si ass aus enger fleescheger Bierefruucht mat eefërmegen, platte Somkären.

Concomber
Grouss Kornischong

Cucumis sativus
Wëssenschaftlech Klassifikatioun
Räich	Planzeräich
Ofdeelung	Bléieplanzen
Klass	Rosopsida
Uerdnung	Cucurbitales
Famill	Kürbisplanzen
Gattung	Cucumis
Wëssenschaftlechen Numm
Cucumis sativus
L., 1753

Geschicht

D'Kürbisgewächs huet seng Originnen an Ostindien. Do gouf et schonn am 3. Joerhonnert viru Christus ugebaut. Et war schonn den ale Griichen an de Réimer bekannt.

Gebrauch

Kornischonge kann ee réi iessen. Si kënnen duerch Mëllechsaiergärung als Concomberen (richteg Sauer Kornischongen) oder mat Esseg agekacht als Essegkornischongen oder Gewierzkornischonge konservéiert ginn.

Inhaltsstoffer

Kornischongen hunn en héije Gehalt vu Vitaminn K an vu Kalium, Zénk a Mangan.

Gesondheetswäert

Kornischonge solle kill gelagert ginn a kënne sech sou bis zu e puer Deeg halen. Wa méiglech soll ee se net schielen, well déi meescht Vitaminnen a Mineralstoffer just ënner der Schuel leien. D'Schuel soll dowéinst och net cheemesch behandelt ginn.

Um Spaweck

Commons: Cucumis sativus – Biller, Videoen oder Audiodateien