Code Napoléon

Mat Code Napoléon sinn zwee franséisch Gesetzbicher gemengt:

• De Code civil, 1804 als Code civil des Français a Kraaft getrueden; gouf 1807–1815 an tëscht 1852 an 1871 offiziell a Code Napoléon ëmgenannt;
• De Code pénal, 1810 a Kraaft getrueden, 1994 a Frankräich komplett iwwerschafft.

Éischt Säit vun der Originalausgab vum Code Napoléon vun 1804

Déi zwee Gesetzbicher haten eng Virbildwierkung fir eng Rëtsch vun anere Länner. Si goufen an den Territoiren, déi vum Napoleon annektéiert oder als Schwësterrepublike beherrscht goufen, agefouert a waren do dacks laang no der franséischer Herrschaft weiderhi gëlteg.

Dräi weider Coden, déi wärend der Regentschaft vum Napoleon agefouert goufen, gi mat deenen zwéin uewe genannten, zu de Cinq codes gezielt. Et sinn dat:

• Code de procédure civile, 1806;
• Code de commerce, 1807;
• Code d'instruction criminelle, 1808.

Um Spaweck

• op Gallica, dem Site vun der franséischer Nationalbibliothéik:
  • Code Napoléon (1804)
  • Code de procédure civile (1806)
  • Code de commerce (1807)
  • Code d'instruction criminelle (1808)
  • Code pénal de l'empire français (1810)