Christianne Wickler

lëtzebuergesch Geschäftsfra

D'Christianne Wickler, gebuer den 21. Februar 1960[1], ass eng lëtzebuergesch Geschäftsfra a fréier Politikerin (déi gréng).

Christianne Wickler
Gebuer 21. Februar 1960
Nationalitéit Lëtzebuerg
Aktivitéit Politiker, Entreprener
Partei déi gréng
Wikidata-logo-without-paddings.svg

Si ass Direktesch vun der Geschäftsketten Pall Center vun där den éischten Akafszentrum 1982 zu Uewerpallen vun hirer Famill opgebaut gouf.

Si ass zanter 2013 Presidentin vun der Fédération des femmes cheffes d'entreprise au Luxembourg.

2013 huet si sech bei de virgezunne Chamberwale vum 20. Oktober 2013 als Kandidatin vum Walbezierk Norden op der Lëscht vun Déi Gréng presentéiert an ass, nodeem de Camille Gira Staatssekretär gouf, an d'Chamber 'nogerëtscht'. Mä schonn den 10. Juli 2014 huet si aus berufflechen a familiäre Grënn hiert Chambermandat nees opginn; de Gérard Anzia ass an hirer Plaz nogerëtscht.

Am Mäerz 2021 huet si zesumme mat der Nathalie Meier-Hottua d'Internetplattform Expressis-Verbis gegrënnt, déi dofir kritiséiert gouf, datt se d'COVID-19-Pandemie banaliséiere géif[2]. Nodeem d'Christianne Wickler als Presidentin vun der Cargolux nominéiert gi war, huet si sech bei Expressis-Verbis zréckgezunn[3],[4].

Nom Doud vum Paul Helminger gouf si am Abrëll 2021 vun der Luxair fir de Verwaltungsrot vun der Cargolux nominéiert an den 28. Abrëll 2021 als säin Nofollger als Presidentin dovunner confirméiert[2],[5].

ReferenzenÄnneren

  1. Christianne Wickler | Paperjam Business Guide. paperjam.lu. Gekuckt de(n) 2021-05-02.
  2. 2,0 2,1 "Expressis Verbis - Cargolux-Vorsitzende Christianne Wickler und ihre sehr eigene Interpretation der Corona-Pandemie." tageblatt.lu, 28,. Abrëll 2021.
  3. «Nommée chez Cargolux, je me suis retirée d’Expressis-Verbis». paperjam.lu. Gekuckt de(n) 2021-05-04.
  4. (lb)Online-Plattform: Christianne Wickler huet sech bei Expressis-Verbis zréckgezunn. www.rtl.lu. Gekuckt de(n) 2021-05-04.
  5. Cargolux appoints new Chairman of the Board of Directors - Cargolux. www.cargolux.com. Gekuckt de(n) 2021-05-02.