Charles Bettendorf

De Charles Bettendorf, gebuer den 10. August 1863, a gestuerwen den 30. Januar 1929 zu Munneref, war e lëtzebuergeschen Industriellen.

Charles Bettendorf
De Charles Bettendorf (1910)
Gebuer	10. August 1863
Gestuerwen	30. Januar 1929 Munneref
Nationalitéit	Lëtzebuerg
Aktivitéit	Industriellen

Erënnerungsplack un déi éischt "Semaine d'aviation", 1910 zu Munneref.

1896 war hien ee vun de Grënner vun der Société anonyme des hauts-fourneaux de Differdange. Aner Engagementer waren ë. a. d'Bauindustrie an d'Munnerefer Mineralwaasser. Verschidde Jugendstilhaiser an der Biederstrooss zu Munneref goufen 1901 a sengem Optrag gebaut.

De Charles Bettendorf huet 1910, vum 5. bis den 12. Juni, d'"Semaine d'aviation de Mondorf" op senger Proprietéit zu Munneref organiséiert. Hie war de Besëtzer vum éischte Fliger, deen zu Lëtzebuerg geflunn ass. Dësen Doppeldecker, vum Gabriel Voisin gebaut a mat engem fofzegpäerdege V8 Antoinette-Motor ekipéiert, gouf 1909 an der Villa Louvigny ausgestallt an huet um Concours zu Munneref deelgeholl.

Literatur

• Charles Bettendorf op industrie.lu
• Déifferdanger Schmelz op rail.lu

Illustratiounen

Ensembel vu fënnef Haiser am Jugendstil, déi de Bettendorf zu Munneref an der Biederavenue baue gelooss huet.

• 
• 
• 
•