Carlos Santana
De Carlos Augusto Santana Alves, gebuer den 20. Juli 1947 zu Autlán de Navarro, Jalisco, Mexiko) ass en US-amerikanesche Museker a Gittarist vu mexikaneschen Originnen, deen d'Rockmusek duerch dee vun him entwéckelte Stil, de Latin Rock, ëm eng Variant méi räich gemaach huet.
| Carlos Santana | |
|---|---|
 | |
| Gebuertsnumm | Carlos Humberto Santana Barragán |
| Gebuer |
20. Juli 1947 Autlán de Navarro |
| Nationalitéit | Mexiko, USA |
| Aktivitéit | Liddermécher, Sänger, Komponist, Jazzgittarist, Gittarist |
| Member vun | Santana |
| Famill | |
| Bestuet mat | Cindy Blackman |
| Kanner | Salvador Santana |
 | |
Hien huet schonn als Kand Gittar gespillt an 1965 d'Santana Blues Band gegrënnt. Domat gouf en zu San Francisco a ronderëm, wéinst hirem onverwiesselbare Stil, enger Mëschung aus Rock'n'Roll, Blues a latäinamerikanesche Rhythmen, bekannt; e Stil, deen haut Latin Rock genannt gëtt.
1969 koum seng éischt LP Santana eraus, an dat selwecht Joer ass e mat senger Band um Woodstock Festival opgetrueden. Dat Joer drop koum den zweeten Album Abraxas eraus, mat bekannte Stécker drop wéi Samba Pa Ti, Oye Como Va (vum Tito Puente) a Black Magic Woman (vum Peter Green). E gouf 4 milliounemol verkaaft. 1971 koum Santana III no, an 1972 e Livealbum mam Buddy Miles (ouni seng Band). Och Caravanserai (1973) gouf e Succès.
1972 huet hie sech mam John McLaughlin a sengem Mahavishnu Orchestra zesummegedoen. An de Joren duerno koume weider Alben eraus, mat ëmmer mol nees neie Bandmemberen.
1999 hat e mat senger Band mam Album Supernatural e Come-Back, a krut, nieft dem kommerzielle Succès aacht Grammyen.
Weider Albe koumen am Laf vun den 2000er Joren eraus.
Um Spaweck änneren
| Commons: Carlos Santana – Biller, Videoen oder Audiodateien |
