Canal de la Meuse

De Canal de la Meuse ass deen Deel vum Canal de l'Est dee vun Troussey am Departement Meuse bis op Givet an den Ardenne féiert. Deen Deel huet bis 2003 Canal de l'Est branche Nord (CeBN) geheescht. E gouf tëscht 1874 an 1887 gebaut, a seng Längt ass 272 km. De Kanal leeft am ieweschten Deel gréisstendeels parallel zur Meuse, wärend am ënneschten Deel vun Inor un, een éischter vun enger kanaliséierter Meuse schwätze kann, op där et just e puer Stécker gëtt wou de Kanal parallel dozou leeft. Meeschtens déngen déi Deeler déi als renge Kanal ausgebaut sinn, fir Meanderen z'evitéieren, wéi um Deel vu Remilly op Pont-Maugis, oder fir grouss Meuseschleefen ze schneiden, a sou vill Ëmweeër ze spueren, wéi z. B. de Canal de Glaire bei Sedan, zwou Ofkierzungen zu Charleville-Mézières, de Kanaltunnel vu Revin, den Tunnel vun Ham-sur-Meuse, e klengen Tunnel bei der Schleis zu Verdun, an e bei Kœur.

De Canal de la Meuse südlech vu Mouzay

D'Schleise vun Troussey bis op Verdun sinn all am Gabarit Freycinet gebaut, an deemno zougelooss fir Schëffer vun der CEMT-Klass 1. Déi duerno bis op Ham-sur-Meuse sinn all eng ronn 10 Meter méi laang, wat awer näischt direkt un der Schëffsklass ännert. Just déi lescht Schleis flossof bei Givet, d'Schleis Quatre Cheminées ass fir Klass IV zougelooss.

D'Dimensiounen déi um Kanal zougelooss sinn, änneren deemno e puermol um Tracé vu Givet bis op Troussey.

Nodeem d'Meuse dann op belschem Territoire ass, ass de ganze Floss kanaliséiert. Dat Stéck vun der Grenz bis op Léck gëtt dacks am ieweschten Deel Meuse Namuroise genannt, a vun der Schleis vun Andenne-Seilles un gëtt och alt de Begrëff Meuse moyenne gebraucht. Fir D'Bauwierker op deem Deel kuckt wgl. Lëscht vun de Bauwierker op der kanaliséierter Meuse.

Zougeloossen Dimensioune vun de Waassergefierer

Deel vum Kanal	Längt (Rudder ageklappt)	Breet (iwwer Alles)	Déifgank	Fräi Héicht	Fräi Bordhéicht
					Normal Charge	Charge en comble
Vun der belscher Grenz bis op de PK 1,900 (Entrée vum Hafe vu Givet)	100,00	11,40	2,20	5,00	0,10	0,30
Vum PK 1,900 bis 200 Meter virun der Schleis N° 58 Trois-Fontaines	100,00	07,70	2,20	5,00	0,10	0,30
Vun der Schleis Trois-Fontaines um PK 7,100 bis virun d'Schleis N° 19 bei Verdun um PK 204,370	047,50	05,50	1,80	3,50	0,10	0,30
D'Schleis N°19 an de Rescht vum Kanal flossop	038,50	05,05	1,80	3,50	0,10	0,30

Geschicht

Ëm 1776 kënnt fir d'éischt a Frankräich d'Iddi op fir ee Kanal ze bauen deen d'Musel mat der Saône soll verbannen, an och ee fir d'Meuse mat der Musel ze verbannen. De François-Michel Lecreulx, deen Ingenieur bei Ponts et Chaussées an der Provënz Loutrengen war soll ee Projet dofir ausschaffen.

Tëscht 1842 an 1847 mécht de Jean Philippe Lacordaire en neie Projet.

Den 1. Mee 1872 geet et richteg lass. Dem H. Frécot säin neie Projet gëtt vun der Commission d'Enquête an de Conseils généraux vun de betraffenen Departementer ugeholl. Dee Projet gesäit vir, d'Saône an de Rhône mat der Meuse ze verbannen, a sou den Uschloss un déi belsch Kanäl ze maachen. Mat deem Projet hunn d'Fransousen net brauchen duerch déi Gebidder ze fueren déi se 1871 un d'Preise verluer haten.

De 24. Mäerz 1874 gëtt d'Gesetz fir de Bau vum Canal de l'Est gestëmmt an den H. Frécot gëtt Ingénieur en chef-Directeur vum Service dee sech dodrëm soll këmmeren. D'Bauzäit gouf op 8 Joer festgesat an d'Käschte goufen op 65 Millioune Frang geschat. Ee Syndikat vun de 5 betraffenenen Departementer soll dem Staat déi Sue virstrecken.

Schleisen an aner Konstruktiounen um Kanal

N°	Numm vum Wierk	Lag	Kilometerpunkt	Fonctionnement	Bild
30	Schleis vu Mouzay	49° 27’ 52.86’’ N       05° 12’ 27.23’’ O	152,128	automatiséiert
31	Schleis vu Stenay		148,819	automatiséiert
	Wier vu Stenay		148,200	manuell
	Regléierschleis vu Stenay	49° 29’ 39.71’’ N       05° 10’ 50.71’’ O	148,148	manuell
32	Schleis vun Inor		142,202	automatiséiert
33	Schleis vu Pouilly-sur-Meuse		137,888	automatiséiert
	Wier vun Alma		131,734	manuell
34	Schleis vun Alma		130,765	automatiséiert
	Rullbréck vun Alma		130,765	automatiséiert
35	Schleis vu Mouzon		122,493	automatiséiert
	Wier vu Villers-devant-Mouzon		118,000	manuell
	Porte de garde vu Villers-devant-Mouzon		118,000	manuell
36	Schleis vu Remilly-Aillicourt		112,763	automatiséiert
37	Schleis vu Sedan		107,047	automatiséiert
38	Schleis vu Villette		103,349	automatiséiert
39	Schleis vun Donchery		99,611	automatiséiert
	Verbindung mam Canal des Ardennes um lénksen Uwänner		96,273
	Wier vun Dom-le-Mesnil		95,273	manuell
40	Schleis vun Dom-le-Mesnil		94,788	automatiséiert
	Wier vu Romery			manuell
41	Schleis vu Romery		84,280	automatiséiert
	Wier vu Mézières			manuell
42	Schleis vu Mézières		81,310	automatiséiert
43	Schleis vu Montcy-Notre-Dame		79,090	automatiséiert
	Wier vu Montcy-Notre-Dame			manuell
	Wier vu Joigny-sur-Meuse		70,400	automatiséiert
44	Schleis vu Joigny-sur-Meuse		70,090	automatiséiert
	Wier vu Levrézy		63,810	manuell
45	Schleis vu Levrézy		63,780	automatiséiert
	Wier vu Monthermé		57,085	mechaniséiert
	Porte de garde vu Monthermé		57,085	manuell
46	Schleis vun Deville		54,240	automatiséiert
	Wier vu Commune		50,120	manuell
47	Schleis vu Commune	49° 54’ 48.48’’ N       04° 42’ 09.92’’ O	50,000	automatiséiert
	Wier vun Dames de Meuse		47,350	manuell
48	Schleis vun Dames de Meuse		45,410	automatiséiert
	Hiefbréck vun Dames de Meuse		45,410	manuell
	Wier vun Orzy	49° 55’ 55.64’’ N       04° 38’ 44.17’’ O	40,910	manuell (Nolewier)
49	Schleis vun Orzy	49° 55’ 58.24’’ N       04° 38’ 51.58’’ O	40,680	automatiséiert
	Wier vu Saint-Nicolas	49° 55’ 56.09’’ N       04° 37’ 31.99’’ O		manuell (Nolewier)
	Tunnel vu Revin (224 Meter)	49° 56’ 34.37’’ N       04° 38’ 38.62’’ O	39,190
	Bassin d'attente vu Revin	49° 56’ 37.51’’ N       04° 38’ 38.82’’ O	39.100
50	Schleis vu Revin	49° 56’ 38.80’’ N       04° 38’ 42.29’’ O	39,080	automatiséiert
	Wier vu Saint-Joseph		33,260	manuell
51	Schleis vu Saint-Joseph		32,980	automatiséiert
	Wier vun Uf	49° 59’ 05.38’’ N       04° 42’ 10.70’’ O	30,460	manuell
52	Schleis Uf		30,410	automatiséiert
	Wier vu Vanne-Alcorps	50° 00’ 08.43’’ N       04° 41’ 39.21’’ O	26,160	manuell (Nolewier)
53	Schleis vu Vanne-Alcorps		25,660	automatiséiert
	Wier vu Fépin	50° 01’ 01.05’’ N       04° 43’ 47.89’’ O	22,700	manuell (Nolewier)
54	Schleis vu Fépin		22,420	automatiséiert
	Wier vu Montigny-sur-Meuse	50° 02’ 45.01’’ N       04° 43’ 25.14’’ O	18,920	manuell
55	Schleis vu Montigny-sur-Meuse		17,080	automatiséiert
	Wier vu Mouyon		13,300	manuell
56	Schleis vu Mouyon		13,120	automatiséiert
	Hiefbréck vun Ham-sur-Meuse	50° 06’ 39.20’’ N       04° 46’ 05.44’’ O	9,400	manuell
	Wier vun Ham-sur-Meuse	50° 06’ 41.85’’ N       04° 46’ 13.95’’ O	9,150	manuell
57	Schleis vun Ham-sur-Meuse		8,360	automatiséiert
	Tunnel vun Ham-sur-Meuse		7,435
58	Schleis 3 Fontaines		7,100	automatiséiert
	Porte de garde des 4 cheminées		2,780	manuell
	Rullbréck 4 cheminées		2,780	mechaniséiert
	Wier 4 cheminées		2,650	mecaniséiert
59	Schleis 4 cheminées		0,510	mechaniséiert

• 
  Schleisewiechterhaus
  Trois-Fontaines
• 
  Schleis N°49 vun Orzy

Gemenge laanscht de Kanal

De Kanal zu Mouzon

An den Ardennen:

Givet, Chooz, Ham-sur-Meuse, Aubrives, Vireux-Wallerand, Montigny-sur-Meuse, Haybes, Fumay, Revin, Monthermé, Bogny-sur-Meuse, Nouzonville, Charleville-Mézières, Nouvion-sur-Meuse, Donchery, Sedan, Remilly-Aillicourt a Mouzon.

An der Meuse:

Pouilly-sur-Meuse, Inor, Martincourt-sur-Meuse, Stenay, Mouzay, Sassey-sur-Meuse, Dun-sur-Meuse, Liny-devant-Dun, Vilosnes-Haraumont, Sivry-sur-Meuse, Consenvoye, Brabant-sur-Meuse, Samogneux, Champneuville, Vacherauville, Bras-sur-Meuse, Belleville-sur-Meuse, Verdun, Haudainville, Dieue-sur-Meuse, Génicourt-sur-Meuse, Ambly-sur-Meuse, Troyon, Lacroix-sur-Meuse, Rouvrois-sur-Meuse, Saint-Mihiel, Bislée, Kœur-la-Petite, Sampigny, Vadonville, Lérouville, Commercy, Vertuzey an Troussey.

Um Spaweck

Commons: Canal de la Meuse – Biller, Videoen oder Audiodateien