Buerg Buerschent
|
Dësen Artikel iwwer eng Buerg oder e Schlass ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
Der Buerg vu Buerschent läit e gudde Kilometer südëstlech vum Zentrum vu Buerschent, um CR308 dee vun der Buerschter Millen erop féiert. D'Originne vun der Buerg ginn iwwer d'Joer 1000 eraus an ass deemools op engem 150 m héije Fielsstupp, deen nëmme vun Nordwesten Zougank huet, opgeriicht gouf.
 Buerg Buerschent | |
| Typ | Buerg |
|---|---|
| Land | Lëtzebuerg |
| Gemeng | Buerschent |
| Plaz | Buerschent |
| Koordinaten | 49°54'19"N, 6°4'47"O |
| Material | Steen, Zill |
| Statut | Klasséiert Monument |
 | |
D'Buerg gouf aachtmol vergréissert a restauréiert, wat och déi verschidde Baustiler vun der Buerg erkläert. Déi baussenzeg Rankmauer ass tëscht 1350 an 1384 gebaut ginn. Am Joer 1384 ass d'Stolzebuerger Haus an ëm 1477 d'Virbuerg gebaut ginn.
1512 ass dee leschten Här vu Buerschent gestuerwen, ouni Kanner ze hunn. Seng Ierwen hu sech d'Buerg ënnerenee opgedeelt: d'vu Metternichs hu sech am ale Buergfrid an am Palas vun der Buerg ageriicht, d'Zant vu Merl am ënneschten Deel vun der ieweschter Buerg an déi vun Ahr am Stolzebuerger Haus. 1650 gouf d'Kapell vergréissert, a 1785 d'Stolzebuerger Haus komplett ëmgebaut. Zu där Zäit waren d'Kapell an de Palas schonn zum Deel an e Koup gefall.
1812 gouf d'Buerg mat de Lännereie versteet an ass an de Joerzéngten duerno lues a lues verfall. 1936 gouf d'Ruin op d'Lëscht vun de klasséierte Monumenter opgeholl an als Nationalmonument klasséiert[1].
Den 12. Abrëll 1972 huet de Lëtzebuerger Staat se kaaft. Zanterhier goufe vill Ausgruewungen a Renovatiounsaarbechte finanzéiert.
D'Ausgruewunge bei der Buerg hu réimesch, merowengesch, karoléngesch an ottonesch Spueren un der Dag bruecht.
Historesch Biller
änneren-
Zeechnung vum Frantz Clément an Nicolas Liez, 1834. -
Zeechnung vum Nicolas Liez, 1834. -
Zeechnung vum Nicolas Liez. -
Foto vum Charles Bernhoeft, 1891.
Um Spaweck
änneren| Commons: Buerg Buerschent – Biller, Videoen oder Audiodateien |
- D'Buerg op der Websäit vun der Gemeng (al Versioun) (nei Versioun) (fr)
- Informatiounen, Fotoen a Pläng vun der Buerg Buerschent (de)
- D'Buerg vu Buerschent op der Websäit vum Institut national pour le patrimoine architectural (fr)
Referenzen
änneren- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 3. Juli 2024).