Brasseur (Famill)
D'Famill Brasseur ass eng Famill zu Lëtzebuerg, déi an der zweeter Hallschecht vum 19. an uganks vum 20. Joerhonnert eng wichteg Roll an der Politik an an der Industrie gespillt huet.
Se geet op den Dierwiechter Alexis Brasseur (1775-1841) vun Esch-Uelzecht zeréck, deen 13 Kanner aus zwee Bestietnesser hat: mat der Marie-Marguerite Schneider (1771-1818) an du mat der Marie-Anne Schockmel (1794-1873).
Ënner dëse Kanner waren de Jean-Baptiste Brasseur, e Mathematiksprofesser op der Universitéit Léck; den Hubert Brasseur, e Geschichtsprofesser op der Universitéit Gent; den Dominique Brasseur, e liberale Buergermeeschter vun der Stad Lëtzebuerg, an de Pierre Brasseur, deen am Minett mat ee vun den éischte bei der Entwécklung vun der Stolindustrie war (kuckt och: Brasseurs Schmelz).
De Pierre Brasseur huet sech mat der Hélène Wurth, enger Duechter vum fréiere Minister François-Xavier Wurth-Paquet bestuet. Ënnert de 5 Kanner vun der Koppel war de Xavier Brasseur, en Affekot a sozialisteschen Deputéierten an der Chamber. De Xavier war mat der Jeanne de Saint-Hubert, der Sëschter vun der Aline Mayrisch de Saint-Hubert bestuet, an e krut sou den Arbedspresident Émile Mayrisch als Schwoer.[1]
Den Dominique Brasseur huet sech mat senger Niess Constance Brasseur bestuet, der Duechter vu sengem Hallefbrudder Jean-Baptiste. Si hate 5 Kanner[2] dorënner de Robert Brasseur, e Politiker an Deputéierte vun der Liberaler Liga, an den Industriellen, Schrëftsteller a Komponist Alexis "Lexi" Brasseur.[3]
D'Konsenge Xavier a Robert goufe politesch Rivalen, a verschiddene Parteien. Dobäi koum, datt d'Jeanne 1910 vum Xavier gescheet gouf an 1914, zwee Joer nom Doud vun hirem Ex-Mann, de Robert bestuet huet.[4]
Stammbam
ännerenOnvollstännege Stammbam. De Familljennumm ass Brasseur, wann net anescht uginn.
| Catherine Paquet 1806–1876 | François-Xavier Wurth 1801–1885 | Marie-Anne Schockmel 1794–1873 | Alexis Brasseur 1775–1841 | Marie-Marguerite Schneider 1771–1818 | |||||||||||||||||||||||||||||||||||||||||
| Jean-Baptiste 1802–1868 | Thérèse Grosfils | ||||||||||||||||||||||||||||||||||||||||||||
| Hélène Wurth 1838–1911 | Pierre 1832–1918 | 6 weider Kanner, dorënner den Hubert | Dominique 1833–1906 | Constance 1836–1912 | |||||||||||||||||||||||||||||||||||||||||
| 4 weider Kanner | Xavier 1865–1912 | Jeanne de Saint-Hubert 1873–1959 | Robert 1870–1934 | Alexis 1860–1924 | 4 weider Kanner | ||||||||||||||||||||||||||||||||||||||||
| Georges 1894–1966 | Yvonne | ||||||||||||||||||||||||||||||||||||||||||||
Literatur
änneren- Jules Mersch: "Deux branches de la Famille Brasseur", in: Biographie nationale du pays de Luxembourg Bd. 19. Lëtzebuerg: Victor Buck, 1959