Boulevard des Lumières

De Boulevard des Lumières ass eng Strooss um Belval op der Square Mile, an de Gemengen Esch-Uelzecht (Quartier Universitéit) a Suessem. Se leeft vun der Porte de France a west-nordwestlescher Richtung bis op d'Intersektioun mat der Rue Jean-Jacques-Rousseau. Um éischten Drëttel vun hirem Verlaf ass d'Grenz tëscht deenen zwou Gemengen.

Boulevard des Lumières

Längt	ca. 270 m
Land	Lëtzebuerg
Gemeng	Suessem Esch Uelzecht
Uertschaft	Bieles Esch-Uelzecht
Quartier	Belval
Postcode	L - 4369
Koordinaten	49° 30’ 15.8’’ N       05° 56’ 43.0’’ O
Genannt no	Zäitalter vun de Lumières

Op der südlech geleeëner Stroossesäit sinn d'Sinterbasenge vun der fréierer Agglomeratioun. Den Autosparking, deen do ronderëm provisoresch ugeluecht gi war, ass zanter 2021 am Gaang, duerch nei Gebaier ersat ginn.

Den Numm ass en Hommage un d'Philosophe vun der Opklärung, am spéiden 18. Joerhonnert, déi op franséisch Lumières genannt ginn.

Geschicht

D'Strooss gouf als en Deel vum Masterplang vum Belval ugeluecht, bei deem de westlechen Deel vun der Schmelz um Belval urbanistesch ëmgewandelt gouf.

Gebaier

Am Juni 2022 gouf op der Nordsäit, um Eck mat der Rue Samuel-Beckett, de Grondstee geluecht fir dat neit Gebai vu Luxcontrol, dat Enn 2023 fäerdeg soll ginn (Architekt: WW+). Luxcontrol war bis dohin am fréieren Direktiounsgebai vun Terres-Rouges.

Biller

• 
  Mäerz 2016
• 
  Dez. 2021
• 
  Suessemer Stroosseschëld