Haaptmenü opmaachen

Wikipedia β

Benzol
Benzol
Systemateschen Numm (IUPAC) Benzol
Trivialen Numm Benzen, Cyclohexen
Chemesch Formel C6H6
Ausgesinn / Geroch faarflos Flëssegkeet mat charakteristeschem Geroch
Eegenschaften
Dicht 0,88nbsp;g/cm3
Léislechkeet 1.8nbsp;g/l bei 15 °C (am Waasser)
Molmass 78,11 g/mol
Schmëlzpunkt 5,4 °C
Kachpunkt 80 °C
Dampdrock 100nbsp;hPa (20nbsp;°C)
Thermodynamesch Daten
Weideres
Ähnlech Moleküllen Phenol, Naphtalin
Chemesch Famill Kuelewaasserstoffer

Benzol oder Cyclohexen (fr.: benzène) ass en ongesiedegten, rankfërmege Kuelewaasserstoff mat dräi duebele Bindungen an ass de Basisprodukt vun den aromatesche Verbindungen.

Inhaltsverzeechnes

Physikalesch EegenschaftenÄnneren

Benzol ass eng flüchteg, duerchsiichteg a beweeglech Flëssegkeet mat engem aromatesche Geroch. En ass léislech am Alkohol an am Ether, mä net am Waasser an e brécht d'Liicht.

Chemesch EegenschaftenÄnneren

VerbrennungÄnneren

Benzol ass liicht entzündlech a seng Dämp forméiere mat Sauerstoff gemëscht en explosiivt Gasgemësch.

 

OxydatiounÄnneren

Benzol gëtt net vun de gewéinlechen Oxydanten KMnO4 oder K2Cr2O7 ugegraff. Mä mat vill Hëtzt an engem Katalysator reagéiert de Benzol mam Sauerstoff a verwandelt sech a Phenol.

 

SubstitutiounÄnneren

Mam Chlor forméiert Benzol eng ganz Rëtsch vu stabille, chloréierte Produiten: C6H5Cl, C6H4Cl2, C6H3Cl3, C6H2Cl4, C6HCl5, C6Cl6
Déi Reaktioune gi mat Iod katalyséiert.

AdditiounÄnneren

Mat Liicht reagéiert Benzol mam Chlor a verwandelt sech an Hexachlorocyclohexan, deen awer net stabil ass. Aneschters wéi bei der Substitutioun ginn hei déi dräi duebel Liaisounen zerstéiert an all H-Atom gëtt duerch e Cl-Atom ersat.

 
Reaktioun mam Chlor bei der Substitution
 
Reaktioun mam Chlor bei der Additioun

HierstellungÄnneren

Benzol gëtt duerch Distillatioun vum Goudron hiergestallt an aus dem Pëtrol extrahéiert. De franséische Chemiker Marcellin Berthelot huet et fäerdegbruecht duerch d'Hëtze vun Acetylen ënner Drock a mat Hëllef vu Katalysatore Benzol ze produzéieren.

UwendungÄnneren

Benzol ass e Léisungsmëttel fir ganz vill chemesch Produiten wéi zum Beispill Iod, Schwiefel a Phosphor. Donieft gëtt e nach geholl fir Kautschuk a Fetter opzeléisen. E soll a loftdichte Behältere gelagert ginn.

Um SpaweckÄnneren

Commons: Benzene – Biller, Videoen oder Audiodateien