Antônio Carlos Jobim
Den Antônio Carlos ("Tom") Jobim, gebuer de 25. Januar 1927 am Quartier Tijuca vu Rio de Janeiro, a gestuerwen den 8. Dezember 1994 zu New York, war e brasilianesche Komponist a Museker. Hie war ee vun den Haaptleit vum Bossa nova-Stil a gouf als Gershwin vun der latäinamerikanescher Musek ugesinn.
| Antônio Carlos Jobim | |
|---|---|
.jpg) | |
| Gebuertsnumm | Antônio Carlos Brasileiro de Almeida Jobim |
| Pseudonym | Tom Jobim |
| Gebuer |
25. Januar 1927 Rio de Janeiro |
| Gestuerwen |
8. Dezember 1994 New York |
| Doudesursaach | Häerzschwächt |
| Nationalitéit | Brasilien |
| Aktivitéit | Komponist, Sänger, Pianist, Gittarist, Jazzmuseker, Jazzgittarist, Lidderschreiwer, Museksproduzent, Discographesche Kënschtler, Arrangeur |
| Famill | |
| Kanner | Elizabeth Jobim, Paulo Jobim |
 | |
Hien huet iwwer 40 Stécker komponéiert, vun deenen op d'mannst d'Hallschent zu de Standarde vun der brasilianescher Musek zielen. Säi bekanntst Stéck ass Garota de Ipanema oder The Girl from Ipanema, mam Text vum Vinicius de Moraes, dat och der Astrud Gilberto hir Karriär lancéiert huet. Eleng dovu gëtt et onzieleg Cover-Versiounen, an d'Stéck gëtt heiansdo als déi Liftmusek schlechthin genannt.
De Jobim ass zu New York bei enger Häerzoperatioun gestuerwen a krut a Brasilien e Staatsbegriefnis. De Fluchhafe vu Rio ass haut no him benannt.