Haaptmenü opmaachen

Antônio Carlos Jobim

brasilianesche Sänger a Komponist

Den Antônio Carlos ("Tom") Jobim, gebuer de 25. Januar 1927 am Quartier Tijuca vu Rio de Janeiro a gestuerwen den 8. Dezember 1994 zu New York, war e brasilianesche Komponist a Museker. Hie war ee vun den Haaptleit vum Bossa nova-Stil a gouf als Gershwin vun der latäinamerikanescher Musek ugesinn.

Antônio Carlos Jobim
Tom Jobim, 1972.tif
Pseudonym Tom Jobim, Том Жобим
Gebuer 25. Januar 1927
Tijuca
Gestuerwen 8. Dezember 1994
New York City
Doudesursaach Häerzschwächt
Nationalitéit Brasilien
Aktivitéit Komponist, Sänger, Pianist, Gittarist, Jazzmuseker, Jazzgittarist, Lidderschreiwer, Museksproduzent
Famill
Kanner Elizabeth Jobim, Paulo Jobim
Wikidata-logo-without-paddings.svg
Dem Jobim säi Grafsteen zu Rio.

Hien huet iwwer 40 Stécker komponéiert, vun deenen op d'mannst d'Hallschent zu de Standarde vun der brasilianescher Musek zielen. Säi bekanntst Stéck ass Garota de Ipanema oder The Girl from Ipanema, mam Text vum Vinicius de Moraes, dat och der Astrud Gilberto hir Carrière lancéiert huet. Eleng dovu gëtt et onzieleg Cover-Versiounen, an d'Stéck gëtt heiansdo als déi Liftmusek schlechthin genannt.

De Jobim ass zu New York bei enger Häerzoperatioun gestuerwen a krut a Brasilien e Staatsbegriefnis. De Fluchhafe vu Rio ass haut no him benannt.

Bekanntst KompositiounenÄnneren

  • "Garota de Ipanema" ("The Girl from Ipanema")
  • "Samba de uma nota só" ("One Note Samba")
  • "Insensatez" ("How Insensitive")
  • "Desafinado"
  • "Chega de saudade"
  • "Triste"
  • "Fotografia"
  • "Águas de março"
  • "A Felicidade" an "O nosso amor" (béid aus dem Film Orfeo Negro)
  • "Corcovado"
  • "Meditação"
  • "Wave"

Um SpaweckÄnneren