Alexei Alexandrowitsch Balandin

Den Alexei Alexandrowitsch Balandin (Алексей Александрович Баландин), gebuer den 20. Dezember 1898 zu Jenisseisk a Sibirien, a gestuerwen den 22. Mee 1967 zu Moskau, war e russesche Chimist. Hie war vun 1934 Chimieprofesser op der Moskauer Universitéit a Member vun der russescher Wëssenschaftsakademie vun 1946 un.

Alexei Alexandrowitsch Balandin
Gebuer	8. Dezember 1898 jul. Jenisseisk
Gestuerwen	22. Mee 1967 Moskau
Nationalitéit	UdSSR
Educatioun	Lomonossow-Universitéit
Aktivitéit	Cheemiker
Member vun	Russesch Akademie vun de Wëssenschaften, Wëssenschaftsakademie vun der URSS

Liewen

Den Alexei Alexandrowitsch ass zweemol verhaft ginn a koum an de Gulag. Déi éischt Kéier 1936 obschonn hien ni politesch aktiv war. Deen Arrest huet mat engem Exil ze Orenburg geendegt.

Wëssenschaftlech Aarbecht

De Balandin huet wichteg Aarbechten am Beräich vun der Heterogener Katalys geleescht an dëst souwuel theoreetesch wéi och praktesch. Fir d'Katalys z'erklären huet hien e Modell agefouert an deem en Transitiounszoustand op der Uewerfläch vum Katalysater entsteet. Do bilt sech tëscht de Reagenzien e Komplex deen net stabil ass.

An Zesummenaarbecht mam Nikolai Selinski huet de Balandin och an der Petrochimie gefuerscht. Do huet hien eng katalytesch "Neibildung" vun Alkanen a Cycloalkanen zu aromatesche Kuelewaasserstoffer duerch Dehydrogenéierung entwéckelt.

Éierungen

De Moundkrater Balandin dréit säin Numm.

Wierker

• Multiplet Theory of Catalysis (1929)
• Chlopin W. G., Balandin A. A., Pogodin S. A., Wolfkowitsch S. I. (1945). Otscherki po istorii Akademii nauk: chimitscheskie nauki. Moskwa: Isd-wo Akademii nauk SSSR. OCLC 17748200
• Balandin A. A. (1968). Iwwersat als: Scientific selection of catalysts. Problems of kinetics and catalysis, 11. Jerusalem: Israel Program for Scientific Translations. OCLC 434180
• Balandin A. A. (1964). Catalysis and chemical kinetics. New York: Academic Press. OCLC 769314
• Balandin A. A., Klabunowski E. I. (1972). Isbrannyje trudy. Moskwa: "Nauka".

Um Spaweck

• Biographie (ru)