Albertina (Wien)

D'Albertina ass e Musée am Quartier Innere Stadt zu Wien.

Albertina

Land	Éisträich
Gemeng	Innere Stadt, Wien
Koordinaten	48° 12’ 16.42’’ N       16° 22’ 05.95’’ O
Datum vum Bau	1776

De Musée huet eng vun de gréissten a bedeitendste Sammlunge vun Zeechnungen an Dréck (eng 65.000 Zeechnungen a ronn 1 Millioun Dréck vun ale Meeschteren).

Donieft gehéieren zu der Sammlung och modern Grafiken, Fotoen an architektonesch Entwërf a Pläng.

Ausserdeem ass an der Albertina eng Privatkollektioun vu Konschtwierker aus der Zäit vum spéiden 19. a fréien 20. Joerhonnert (ë. a. am impressionistesche Stil) ze gesinn, déi dem Musée iwwer e permanente Prêt zur Verfügung gestallt gouf.

Den Numm geet zeréck op den Herzog Albert vu Sachsen-Teschen, deen de Palais, direkt nieft der Hofburg, als Residenz benotzt huet, a wou e spéider seng Sammlung vu Grafike versuergt huet, déi e vu Bréissel dohibruecht hat, nodeems en do Gouverneur vun den Éisträicheschen Nidderlande war.

Biller

• 
  Etude fir dat Lescht Owesiessen vum Leonardo da Vinci, c. 1495
• 
  Jonken Hues vum Albrecht Dürer (1502)
• 
  De Moler an de Keefer vum Pieter Bruegel den Eeleren, 1565
• 
  D'Meedche mam Muermeldéier vum Jean-Honoré Fragonard, ouni Datum
• 
  Dat wäisst Päerd "Gazelle" vum Henri de Toulouse-Lautrec, 1881

• 
  Weier mat Waasserlilien, vum Claude Monet, c. 1917–1919
• 
  D'Haus an de Rousen vum Claude Monet, c. 1918

• 
  Veduta vun der Festung Lëtzebuerg am Joer 1753 (Wenzel Callot)