Haaptmenü opmaachen
Den Adrian Hasler (2013)

Den Adrian Hasler, gebuer den 11. Februar 1964, ass e liechtensteinesche Politiker vun der Fortschrittliche Bürgerpartei in Liechtenstein (FBP) an zanter dem 27. Mäerz 2013 Regierungschef, sou wéi och Minister fir Presidiales a Finanzen.

Hien huet vun 1984 bis 1991 Ekonomie a Gestioun op der Hochschule St. Gallen studéiert a mat enger Licence (lic.oec.HSG) ofgeschloss. Duerno huet hie vun 1992 bis 1996 am Controlling bei der Balzers AG a vun 1996 bis 2004, deels als Directeur adjoint, bei der Verwaltungs- und Privat-Bank zu Vaduz geschafft.

2001 gouf hie fir d'FBP an de Landtag, d'Liechtensteinescht Parlament, gewielt. 2004 huet hien säi Sëtz opginn, fir neie Chef vun der Police ze ginn.[1]

Bei der Landtagswal vun 2013 war den Hasler Spëtzekandidat vun der FBP a gouf Regierungschef vun enger Koalitiounsregierung vu senger Partei an der Vaterländische Union (VU).

Hien ass bestuet an huet zwee Kanner.

Um SpaweckÄnneren

Commons: Adrian Hasler – Biller, Videoen oder Audiodateien

ReferenzenÄnneren