Lausduer

De Lausduer [lokal: om Lausduarre(n)] ass e Lieu-dit op der Nordstrooss, tëscht Hengescht a Wäiswampech.

Lausduer om Lausduarre(n)
Um Lausduer, a Richtung Norden
Aussprooch
An anere Sproochen	fr: Lausdorn de: Lausdorn
Land	Lëtzebuerg
Kanton	Klierf
Gemeng	Klierf Wäiswampech
Buergermeeschter	Georges Keipes Claude Daman
Awunner	18 (Klierf), 4 (Wäiswampech)
	1. Januar 2021; 1. Januar 2022
Héicht	503 m
Koordinaten	50° 07’ 07.00’’ N       06° 04’ 59.45’’ O
Postcode	9968

Den nërdlechen Deel läit an der Gemeng Wäiswampech, iwwerdeems de südlechen Deel zanter Enn 2011 zur Gemeng Klierf gehéiert. Virdrun huet en zur Gemeng Hengescht gehéiert ier déi – zesumme mat Munzen – bei d'Gemeng Klierf geprafft gouf.

Geographie

De Lausduer läit westlech vun der N7, op enger Héicht vu ronn 503 Meter a besteet aus ronn enger hallwer Dosen Haiser, déi op dem alen Deel vun der Nordstrooss leien, déi an den 1970er Joren nei nivelléiert a riichtgezu gouf.

Dat eenzegt Haus an der Gemeng Wäiswampech huet d'Adress 3 Lausduarre; d'Haiser aus der Gemeng Klierf si just nummeréiert (1, 2, 4 a 6). Den eenheetleche Postcode ass den 9968.

Trivia

Den Numm Lausduer krut am Abrëll 2018 e bësse méi Bekanntheet nodeems et bei enger Poursuite zu engem Autosaccident koum an dobäi ee Polizist leie bliwwen ass a véier anerer blesséiert goufen.

Biller

• 
  De Café-Restaurant an der Gemeng Klierf…
• 
  an daat eenzegt Haus an der Gemeng Wäiswampech.

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Lausduer – Biller, Videoen oder Audiodateien