Kierch Mäerkels
D'Kierch zu Mäerkels ass eng kathoulesch Kierch déi zur Par Wooltz Saints-Pierre-et-Paul, zum Dekanat Norden an zu der Gemeng Kiischpelt gehéiert.
| ||||
|---|---|---|---|---|
 Filialkierch vu Mäerkels | ||||
| Uertschaft / Plaz | Mäerkels | |||
| Par | Wooltz Saints-Pierre-et-Paul | |||
| Dekanat | Norden | |||
| Numm / Patréiner | Hl. Baartelméis | |||
| Baujoer | 1743 | |||
| Koordinaten | 49° 57’ 41.8’’ N 5° 58’ 50.6’’ O | |||
 Banneraum | ||||
| Kierchen - Kapellen | ||||
De Patréiner ass den hellege Baartelméis, deem säi Fest de 24. August gefeiert gëtt. Niewepatréiner sinn den hellege Sebastian, den hellegen Antonius an den hellegen Donatus.
Se steet an der Strooss Bei der Kierch am Zentrum vum Duerf. Ronderëm d'Kierch ass de Kierfecht ugeluecht.
Geschicht änneren
Eréischt 1806 gouf Mäerkels zesumme mat Alschent an dem Kohnerhaff eng eege Par. Virdru war Mäerkels d'Filialkierch vun der Pënscher Parkierch.
D'Kierch gouf 1743 gebaut an am Joer 1916 koum et zu Ëmännerungen. Nom Zweete Weltkrich gouf eng Sakristei ugebaut.
Bis de 7. Mee 2017 war et d'Parkierch vun der Par Mäerkels, déi zum Parverband Wooltz, Kiischpelt, zu der Pastoralregioun Norden an zum Dekanat Wolz gehéiert huet. Zur fréierer Par Mäerkels huet ausser der Parkierch och nach d'Filialkierch vun Alschent gehéiert.
Bannenan änneren
De Mobiliar staamt méiglecherweis vun engem Schüler vum Jean-Georges Scholtus († 1754), dem Nicolas Jacques († 1793) vu Wolz, deen och de Mobiliar vun der Kierch Notre-Dame vu Wolz gemaach huet.
Den Altor änneren
Den Zwilling vum Mäerkelsser Héichaltor ass an der Kapell Ierpeldeng (Wolz) ze fannen.
1958 gouf eng Helleg Famill, déi vum Albert Kratzenberg geschaf gouf, an den Héichaltor ageschafft. Ëm déi selwecht Zäit gouf de Säitenaltor mat enger hëlze Muttergottes-Statu vum J. Haler vun Ettelbréck gerëscht.
Fënsteren änneren
Déi aktuell Fënstere si vum Émile Probst; si goufen 1955 agesat.
Klacken änneren
Déi dräi Klacke goufen den 2. Februar 2003 geweit. Se stamen aus der Klackegéisserei an der Benediktinerabtei Maria Laach a goufe vum Brudder Michael Reuter OSB gegoss. Déi fréier Klacken, vun ëm 1850, si virun der Entrée vun der Kierch ze gesinn.
Literatur änneren
- Geimer, Alwin, 2009, St. Bartholomäus Merkholtz. De Cliärrwer Kanton 1/2009
Kuckt och änneren
Um Spaweck änneren
| Commons: Kierch Mäerkels – Biller, Videoen oder Audiodateien |
