Kierch Houfelt
D'Eligiuskierch zu Houfelt ass eng kathoulesch Kierch an d'Parkierch vun der Par Wëntger Sainte-Famille, zum Dekanat Norden an zu der Gemeng Wëntger gehéiert.
| ||||
|---|---|---|---|---|
 Filialkierch vun Houfelt (2014) | ||||
| Uertschaft / Plaz | Houfelt | |||
| Par | Wëntger Sainte-Famille | |||
| Dekanat | Norden | |||
| Numm / Patréiner | Hl. Eligius | |||
| Konsekratioun | 1958 | |||
| Architekt(en) | J. P. Thill | |||
| Koordinaten | 50° 05’ 55.6’’ N 05° 55’ 14.9’’ O | |||
| Kierchen - Kapellen | ||||
De Patréiner ass den hellegen Eligius, deem säi Fest den 1. Dezember gefeiert gëtt.
D'Kierch steet zentral an der Uertschaft op der Verbindungsstrooss tëscht dem CR333 an dem CR362.
Den 12. Februar 2024 gouf proposéiert, s'als national Kulturierfschaft ze klasséieren.[1]
Geschicht änneren
Well déi al Kierch vun Houfelt ze kleng war gouf an den 1950er Joren decidéiert eng nei bauen ze loossen. D'Pläng fir dës modern Kierch si vum Architekt J. P. Thill vun Dikrech. De 15. Juni 1958 gouf d'Kierch vum Bëschof Léon Lommel geweit.
Bis de 7. Mee 2017 war et eng Filialkierch vun der Par Helzen, déi zum Parverband Ëlwen, Wäiswampech, Wëntger, zu der Pastoralregioun Norden an zum Dekanat Klierf gehéiert huet. Zur fréierer Par Helzen huet ausser der Filialkierch vun Houfelt och nach d'Parkierch vun Helzen, d'Helzerklaus an d'Kapell vu Weiler gehéiert.
Kierch vu bannen änneren
Fënsteren änneren
Déi net-figurativ Fënsteren (ë. a. 40 m2 op der Südwand) aus Glasbëtong (dalle de verre) si vum Gustave Zanter, grad wéi de Kräizwee op der Nordwand, déi keng Fënsteren huet.
Statuen änneren
Ënner dem Duxall sti Statue vum hl. Eligius, vum hl. Antonius dem Eremit an dem hl. Jousef (déi ass vum Kënschtler H. Lachner aus Tirol). Um barocken Héichaltor steet eng weider Statu vum hl. Eligius. Op de Rokoko-Säitenaltär steet eng Consolatrix Afflictorum-Statu an eng vum hellegen Donatus.
Klacken änneren
Am Kierchtuerm hänken 3 Klacken déi an den Téin do diese, la a sol lauden.
Literatur änneren
- E. Donkel, L. Meyer, R. Staud: Hoffelt, Dorf und seine Kirche, 1958, St. Paul, 70 S.
Kuckt och änneren
Um Spaweck änneren
| Commons: Kierch Houfelt – Biller, Videoen oder Audiodateien |
- Websäit vun der Par Wëntger Sainte-Famille
- D'Fënstere vun der Houfelter Kierch op der Websäit vun der Stiftung Forschungsstelle Glasmalerei des 20. Jh. e. V. (de)
- D'Uergel vun der Kierch op Orgues.lu
-
D'Kierch vun Norde gesinn -
D'Kierch vu Südoste gesinn -
Christuskapp an der Houfelter Kierch -
Säitenaltor an der Houfelter Kierch
Referenzen änneren
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 27. Februar 2024).