Zivilrecht

Dësen Artikel gehéiert zur Serie vun den Droits-Artikelen. Dës Explikatioune bezéie sech am Prinzip just op dat lëtzebuergescht Recht. Ënner Ëmstänn goufen déi lescht Changementer an der Legislatioun an/oder der Jurisprudenz nach net berécksichtegt. Et handelt sech och net ëm e juristesche Rot, mä ëm eng vereinfacht Duerstellung fir Laien. A konkreete Fäll soll ee sech ëmmer un en Affekot wennen!

Den Zivilrecht ass een Deel vum Droit an deem all d'Reegelen iwwer d'Relatiounen tëscht physeschen a moralesche Persoune festgehale sinn.

Geschicht

• Réimesch Antiquitéit: den Zivilrecht ass en Droit dee just fir d'Bierger ass. All aner Leit si vun deem Droit ausgeschloss a gehéieren zum Droit des gens (ius gentium).
• Mëttelalter: den Zivilrecht ass en Droit laïc deen nieft dem Droit canonique, dem Kiercherecht besteet.
• Neizäit: Am Zivilrecht ass de ganzen Privatrecht mat festgehalen, mä net den Droit public.
• Enn vun der Neizäit: den Zivilrecht ass a lauter Branchen opgedeelt.
• Hautdesdaags: Den Zivilrecht ass den Haaptstamm vum breetgefächterten Droit.

D'Roll vum Zivilrecht

Den Zivilrecht këmmert sech ëm follgend Theemen:

• Persounerecht
• Familljerecht
• Droits réels
• Droits de créance
• Kontrakter
• Ierfschaft

Kuckt och

• Privatrecht
• Ëffentlecht Recht
• Zivilrecht zu Lëtzebuerg

Um Spaweck

• Legilux - den Droitsportal vun der Lëtzebuerger Regierung