Xi

De Xi (griichesch ξι, Majuskel Ξ, Minuskel ξ) ass de 14. Buschtaf vum griicheschen Alphabet. Als griichescht Zuelenzeechen huet de Xi no dem milesesche Prinzip en numeresche Wäert vu 60.

Urspronk

De griicheschen Ξ huet déi virgriichesch Buschtawekombinatioun ΚΤΣ sproochlech wéi och graphemesch eréischt spéit ersat.

Den haitege Graphem Xi huet säin Urspronk am phenizesche Schrëftzeechen Samech.. Vum Samech stamen ausserdeem déi griichesch Buschtawe Sigma (Σ) a Chi (X) of. De Xi gouf allerdéngs eréischt méi spéit wéi aner phenizesch Buschtawen a Griicheland iwwerholl an gouf och net an allen Dialekter ugeholl.

Gebrauch vum Xi

An der Physik gëtt de ξ gebraucht als
- dimensiounslos Uertsvariabel, meeschtens als Ersatz fir x an als
- mëttleres logarithmescht Energiedekrement an der Reakterphysik.
An der Physik gëtt Ξ gebraucht als
- Bezeechner vun engem Ξ-Baryon an als
- Symbol fir d'Schallauslenkung (och Schallausschlag genannt)
An der Chimie
- bezeechent ξ d'Reaktiounslafzuel vun enger Reaktioun.
An der Mechanik
- bezeechent ξ d'Schrauwungskoordinate vun enger Starrkierperbeweegung (Vektor mat 6 Komponenten)
an der Mathematik
- bezeechent ξ heefeg eng Zoufallsvariabel.
- stinn $\xi (s)$ a $\Xi (t)$ fir d'Riemann'sch Xi-Funktioune
An der Thermodynamik
- bezeechent ξ d'Masseverhältnes vun enger Komponent vun engem ideale Gasgemësch.
An der Medezin
- bezeechent ξ en Dimer aus 2 Polypeptidketten, déi zum T-Zell-Rezepter enger T-Zell gehéieren.

Um Spaweck

Commons: Xi – Biller, Videoen oder Audiodateien