Trennfeld

Trennfeld ass en Deel vun der Maartgemeng Triefenstein am ënnerfränkesche Landkrees Main-Spessart.

Trennfeld
Vue op d'Uertschaft
Land	Däitschland
Bundesland	Bayern
Regierungsbezierk	Ënnerfranken
Krees	Main-Spessart
Gemeng	Triefenstein
Awunner	1.077  (31. Dezember 2014)
Fläch	10,07807630 km²
Héicht	149 m
Koordinaten	49°47'38,121"N, 9°36'56,745"O
Telefonszon	09395
Postcode	97855

Geographie

Lag

Trennfeld läit um rietsen Uwänner vum Main tëschent Marktheidenfeld a Wertheim. Um Gebitt vun der Gemarkung Trennfeld läit den Uert Trennfeld, d'Siidlung Trennfeld-Bahnhof an d'Klouschter Triefenstein, dat der neier Gemeng den Numm ginn huet.

Hydrographie

Um Gebitt vun der Gemarkung fléissen den Altfelder Graben an de Klingelsbachgraben am Norde wéi och de Weidbach an den Hartsgraben am Süden an de Main. Ausserdeem lafen den Eichenfürster Bach am Norden an de Wittbach am Westen duerch d'Gebitt vun der Gemarkung. Tëschent dem Uert an Trennfeld-Bahnhof läit de Klostersee e 15,5 ha grousse Baggerweier vum Miltenberger Industriewerk aus den 1970er Joren, wou haut e Fräizäitgebitt ass a wou och gefëscht ka ginn. De Séi ass fir seng grouss Welse bekannt. Ausserdeem leien am Weste vum Duerf laanscht de Weidbach, um Terrain vun enger Kiselcarrière, nach e puer Baggerweieren.

Nopeschgemarkungen

Nopeschgemarkunge vun Norden am Auerzäresënn sinn Altfeld, Glasofen, Marktheidenfeld, Lengfurt, Homburg am Main, Bettingen, Kreuzwertheim, Unterwittbach a Rettersheim.

Geschicht

Trennfeld war bis den 30. Juni 1972 eng eegestänneg Gemeng am Landkrees Marktheidenfeld an duerno bis den 30. Abrëll 1978 am Landkrees Main-Spessart.