The'd Johanns
Den Théid ("The'd" oder Theo) Johanns, gebuer den 10. Juni 1955 zu Esch-Uelzecht, ass e lëtzebuergesche Graphiker, Moler a Galerist.
| The'd Johanns | |
|---|---|
 | |
| Gebuer |
10. Juni 1955 Esch-Uelzecht |
| Nationalitéit | Lëtzebuerg |
| Aktivitéit | Moler, Lokalpolitiker |
 | |
Den The'd Johanns (hie schreift säin Numm an der Welter-Engelmann-Schreifweis), ass en Autodidakt. Hie schafft mat verschiddensten Techniken a Medien (Molerei, Skulptur, Fotografie, Zesummestellungen,...)
Hien thematiséiert gär d'Géigesätz wéi Kierper a Geescht, Wëssenschaft a Relioun, Mënsch a Maschinn, Individuum a Kollektivitéit, Eenzegaartegkeet a Multiplizitéit, asw., dacks mat engem Schotz Provokatioun oder Ironie.
Hien hat eng ganz Rëtsch vun Ausstellungen zu Lëtzebuerg an am noen Ausland, mä och zu Nice, Aix-en-Provence, Paräis, Athen,Washington D.C., New York a San Francisco.
2001 huet hien zu Betebuerg, zesumme mam Jean-Pierre Seil, d'Konschtgalerie B/C2 opgemaach. 2016 huet hie mam Sergio Sardelli, Jeff Keiser an Daisy Wagner d'Kollektiv Cueva gegrënnt.[1],[2]
Vun 2011 bis 2014 war hie Gemengeconseiller fir déi Lénk am Escher Gemengerot[1]
Auszeechnungen
änneren- 2004: Prix Pierre-Werner.
- Escher Kulturpräis[Wéini ?]
Documentaire
änneren- The'd Johanns Documentaire vum Christophe Wagner fir d'Serie Portraits d'Artistes (2003).
Kuckt och
ännerenUm Spaweck
ännerenReferenzen
änneren- ↑ 1,0 1,1 Anne Julie Heintz: "Ein Escher Unikum." wort.lu, 19.10.2018.
- ↑ NO ART ON AIR - Spezial: Expo Bâtiment IV, op RTL Tëlee, gekuckt de 7. Dezember 2020