Stepanakert

Stepanakert
Stepanakert
Land	Aserbaidjan
Vewaltungseenheet	Aserbaidjan
Awunner	55200
	2005
Fläch	25.66
Héicht	813
Koordinaten	39°48'55"N, 46°45'7"O

Chankendi oder och Xankəndi ass eng Stad am Aserbaidjan. Vun 1923 bis 1991 (de facto bis 2023) war se als Stepanakert bekannt.

Geschicht

Am Mëttelalter louch d'Duerf Vararakn (arm. Վարարակն‚ Floss dee séier fléisst) op der Plaz, wou elo d'Stad ass. 1847, zur Zäit vum Russesche Räich, gouf et a Xankəndi (rus. Ханкенды) ëmbenannt an hat just d'Gréisst vun engem Duerf. D'Haaptstad vu Karabach war deemools déi gréisst Stad an der Géigend, d'Nopeschuertschaft war Şuşa. 1923 gouf et zur Haaptstad vun der nei gegrënnter autonomer Oblast Biergkarabach erkläert an a Stepanakert (arm. Ստեփանակերտ, rus. Степанакерт) ëmbenannt (nom armeenesche Kommunist Stepan Schahumjan). Den Uert ass vun do u séier, duerch d'Zouwanderung vun Armeenier aus der Ëmgéigend, gewuess a krut 1940 d'Stadrechter. Nom éischte Karabach-Krich a bis 2023 war et d'Haaptstad vun der Republik Biergkarabach. 2023 koum et erëm ënner d'Kontroll vum Aserbaidschan.

Bekannt Xankəndier

Zori Balajan (* 1935), Schrëftsteller, Journalist a Sportdokter
Don Askarian (1949–2018), Filmproduzent, Regisseur an Dréibuchauteur
Robert Kotscharjan (* 1954), fréiere President vun der Republik Biergkarabach (1994-1997), fréiere President vun Armenien (1998-2008)
Sersch Sargsjan (* 1954), fréiere President vun Armenien (2008–2018)
Arkadi Ghukassjan (* 1957), fréiere President vun der Republik Biergkarabach (1997-2007)
Bako Sahakjan (* 1960), fréiere President vun der Republik Biergkarabach (2007-2020)
Karen Karapetjan (* 1963), fréiere Ministerpresident vun Armenien (2016–2018)
Arajik Harutjunjan (* 1973), President vun der Republik Biergkarabach (2020-)
André (* 1979), armeenesche Sänger deen d'Land 2006 beim ESC vertrueden huet