Sojus MS-03

Sojus MS-03 ass d'Missiounsbezeechnung fir e Fluch vum russesche Raumschëff Sojus op d'International Raumstatioun. Am Kader vum ISS-Programms huet de Fluch d'Bezeechnung ISS AF-49S. Et ass de 49. Fluch vun engem Sojus-Raumschëff op d'ISS an den 155. Fluch am Sojusprogramm.

Sojus MS-03

Raumschëff	Sojus 7K-MS Seriennummer 733
Mass	?
Drorakéit	Sojus FG
Crew	3
Start	17. November 2016, 20:20 UTC
Startplaz	Baikonur LC-1
Statioun	ISS
Statioun Undockmodul	Rasswet
Dauer
Landung	15. Mee 2017 (geplangt)
Landeplaz	Kasachstan
Bunnschréi	51,6°
Peggy Whitson, Oleg Nowizki an den Thomas Pesquet

Crew

Haaptcrew

Oleg Wiktorowitsch Nowizki (2. Raumfluch), Kommandant (Russland/Roskosmos)
Peggy Annette Whitson (3. Raumfluch), Bordingenieurin (USA/NASA)
Thomas Pesquet (1. Raumfluch), Bordingenieur (Frankräich/ESA)

Ersatzcrew

Fjodor Nikolajewitsch Jurtschichin (5. Raumfluch), Kommandant (Russland/Roskosmos)
Jack Fischer (1. Raumfluch), Bordingenieur (USA/NASA)
Paolo Nespoli (3. Raumfluch), Bordingenieur (Italien/ESA)

Missiounsbeschreiwung

D'Missioun huet dräi Crewmembere vun den ISS-Expeditioune 50 an 51 op d'International Raumstatioun bruecht.

Et ass den drëtten Asaz vum weiderentwéckelte Sojus-MS-Raumschëff. Et ënnerscheet sech vun der aler Versioun ënner anerem duerch dat neit Kopplungssystem Kurs-NA.^[1]

De Rendez-vous mat der ISS hat wéi bei de leschten zwéi Flich zwéin Deeg gedauert, amplaz vun den normale sechs Stonnen. D'Ursaach dofir war eng nach net betribsfäeg "Klion-R" Buedemkontrollstatioun zu Wostotschny, déi fir déi séier Approche mat nëmme véier Orbiten amplaz 34 gebraucht gëtt.