Sender vun Diddeleng
De Sender vun Diddeleng um Ginzebierg ass eng Anlag vun RTL fir Radios- an Televisiounssendungen. E war fréier, éier et Satellitte gouf, och fir Transmissioune vun europawäite Sendungen eng Relaisstatioun fir d'Eurovision.
Vun do gi Sendungen a follgende Beräicher verbreet:
- Televisoun
- 1 Sender VHF vun 100 kW PAR
- 3 Senderen UHF vun 200 kW bis 1000 kW PAR
- Radio-UKW
- 3 Sendere vun 100 kW PAR
D'Anlag besteet aus engem administrativen an technesche Gebai, Wunnenge fir d'Techniker, an engem Sendetuerm donieft, a si stinn op engem klenge Plateau um Ginzebierg, eng vun den héchste Koppen ëm Diddeleng op enger Héicht vu 417, 5 m (NG-L).
De Sendetuerm besteet aus engem Gittermast an enger Antenn, déi zesummen 299 m héich sinn.
En ass an tëscht 1956 an 1957 opgeriicht gi fir eng méi kleng Anlag z'ersetzen. Am Ufank war e méi héich, mä no engem Accident, den 31. Juli 1981, wéi e belschen Dassault Mirage 5BR[1] deen op engem Trainingfluch war, dragerannt war a bei deem ausser dem Pilot (de Colonel R. Gennart, Kommandant vum belsche Fluchfeld Florennes), ee Mataarbechter vun RTL mat senger Fra ëm d'Liewe koumen, gouf de Gittermast op d'Héicht vun 285 m nei opgeriicht. Bei där Fléckerei ass och déi iewescht Antenn e bësselchen ausser Senkel geroden.
Kuckt och
ännerenUm Spaweck
änneren| Commons: Sender vun Diddeleng – Biller, Videoen oder Audiodateien |
- De Sender op der Skysrapersäit
- http://pagesperso-orange.fr/tvignaud/galerie/etranger/lu-dudelange.htm
- Säit iwwer de Sender op Structurae
- Steve Remesch, Feuerball am Himmel - Am 31. Juli 1981 zerschellt ein belgischer Militärjet am Sendeturm in Düdelingen am Wort vum 31. Juli 2018, S.11 an op wort.lu