Kifer zu Bierschbech

D'Kifer zu Bierschbech, war eng Schwaarzkifer (Pinus nigra, (fr) pin noir, (de) Schwarzkiefer oder Schwarzföhre) déi bis 2015 zu Bierschbech an der Gemeng Miersch stoung an déi zënter 2002 zu de bemierkenswäerte Beem zu Lëtzebuerg gehéiert huet.

Kifer zu Bierschbech
D'Schwaarzkifer (2008) a Richtung Rolleng gekuckt
Kategorie	Bemierkenswäert Beem zu Lëtzebuerg
Land	Lëtzebuerg
Gemeng	Miersch
Koordinaten	49°44'39,520"N, 6°6'47,632"O
Bamaart	Schwaarzkifer
Geschaten Alter	165 Joer
Status	Zousazinventaire vun de klasséierte Monumenter
Héicht	21 m (2002)
Duerchmiesser	0,91 m (2002)
Ëmfang	2,86 m (2002)

Kifer zu Bierschbech

Lag vum bemierkenswäerte Bam

Lokalisatioun

De Bam stoung zu Bierschbech an der Sektioun Rolleng vun der Gemeng Miersch, am Park vum Blannenheem laanscht d'Haaptstrooss (N7).

Geschicht

An der éischter Hallschent vum 19. Joerhonnert hat den Nottär Michel Clement sech zu Bierschbech eng Villa gebaut a ronderëm e Park amenagéiere gelooss. D'Schwaarzkifer war also ronn 165 Joer al wéi s'ëmgehae gouf.

D'Proprietéit huet e puermol de Besëtzer gewiesselt, ier se vun der leschter Besëtzerin un d'Blannevereenegung verierft gouf. 1972 sinn déi éischt Blann an d'Heem agezunn. Zanterhier gouf d'Villa e puermol ëmgebaut an nei Gebaier koumen derbäi. Zënter 2016 sinn en Altersheem an e Foyer fir blann Leit am Komplex ënnerbruecht.

2015 gouf de Bam wéinst enger méiglecher Gefor fir de Stroosseverkéier ewechgeholl.

Am Park stoung bis 2001 e Wëlle Käschtebam (Aesculus hippocastanum) mam selwechten Alter wéi d'Schwaarzkifer. Et war geplangt de Käschtebam 2002 op d'Lëscht vun de bemierkenswäerte Beem zu Lëtzebuerg ze setzen; de Bam gouf awer 2001 ouni erkennbare Grond ewechgeholl.

Entwécklung

De Bam stoung zënter dem 29. Mäerz 1974 am Zousazinventaire vun de klasséierte Monumenter.

Ongeféier Moosse vum Bam (m)

Joer	$U$	$d$	$h$
2000	2,86	0,91	21,00

$U$ = Ëmfang; $d$ = Duerchmiesser; $h$ = Héicht

Biller

• D'Kifer zu Bierschbech am Laf vum Joer
• 
  Fréijoer (Mee 2014)
• 
  Summer ()
• 
  Hierscht ()
• 
  Wanter ()

Kuckt och

• Schwaarzkifer am Park zu Heeschdref
• Bemierkenswäert Beem zu Lëtzebuerg
• Lëscht vun den nationale Monumenter an der Gemeng Miersch

Literatur

• Bartimes, Mett et al. Les arbres remarquables 2002. Luxembourg: Administration des eaux et forêts, 2002. Print. ISBN 2-919877-05-4 (cf. S. 198-199, Foto an Text)

Um Spaweck

Commons: Kifer zu Bierschbech – Biller, Videoen oder Audiodateien

Referenzen an Notten

• Quell vum Artikel wou net anescht uginn: (Les) Arbres remarquables… an der Literatur