Pinot gris

De Pinot gris ass eng Riefzort déi duerch eng Mutatioun vum Pinot noir entstanen ass. Obschonn d'Haut vun de Gronen roudelzeg bis rout ass, zielt se zu de wäisse Riefzorten.

Pinot gris

A Frankräich ass en och ënner dem Numm Tokay d'Alsace bekannt, an Italien ass et de Pinot Grigio, an Ungarn de Szürkebarát. An Däitschland gouf e gemenkerhand Ruländer genannt, haut ass awer d'Bezeechnung Grauburgunder méi geleefeg. D'Bezeechnung Ruländer ass aus dem Numm vum däitschen Apdikter a Geschäftsmann Johann Seeger Ruland vu Speyer entstanen, deen déi Riefzort vermehrt huet.

Lëtzebuerg

Op der Lëtzebuerger Musel gëtt de Pinot gris - fir deen am Ufank den däitschen Numm Ruländer benotzt gouf - eréischt zanter den 1960er Joren ugebaut. Zanter 1975 ass seng Ubaufläch ongeféier aachtmol méi grouss ginn a mécht haut (2013) mat 193,78 ha 14,96% vun der Ubaufläch aus.

Kuckt och

• Wäibau

Literatur

• Rudi & Laurens Mauquoi, Luxemburger Wein - Vin luxembourgeois, Éditions Schortgen, Luxembourg 2012, ISBN 978-2-87953-158-8

Um Spaweck

Commons: Pinot gris – Biller, Videoen oder Audiodateien

• De Pinot Gris (Ruländer - Grauburgunder) op der Websäit vun der Forschungsanstalt Geisenheim (de)