Reynke de Vos

Den Déiereneepos Reynke de vos dee 1498 vum Hans van Ghetelen zu Lübeck gedréckt gouf ass de bekanntsten nidderdäitschen Déiereneepos a Versen.

De satireschen Eepos erzielt wéi de Näischnotz Reineke sech duerch genial Ligegeschichte beim Léiw, dem Kinnek vun den Déieren, rengwäscht a sech aus allen Uklopunkten erauszitt, a sou géint seng Géigner gewënnt.

De Reynke de vos gehéiert zu enger aler Traditioun vun der europäescher Déiereneepik déi vun der laténgescher « Ecbasis captivi », dem « Isengrimus » an dem « Reinardus vulpes » vum Nivardus, iwwer de franséische « Roman de Renard », den däitsche « Reinhardt Fuchs » vum Heinrich dem Gleissner bis bei den hollännesche « Reinaert de Vos » féiert.

D'Wierk war grad sou bekannt a verbreet wéi den « "Eulenspiegel" » a gouf an en ettlech europäesch Sproochen iwwersat.

De Luther huet et eng "lebendige Contrafacur des Hoflebens" genannt, an de Goethe eng "unheilige Weltbibel".

Am Héichdäitschen ass d'Wierk 1544 zu Frankfurt am Main erauskomm an enger Prosaiwwersetzung vum Gottsched, op där och dem Goethe säi Reineke Fuchs vu 1752 baséiert.

Literatur

Reineke Fuchs: das niederdeutsche Epos "Reynke de vos" vu 1498. Übertragung und Nachwort vum Karl Langosch. Stuttgart: Reclam, 1967, Nodrock 1994 ISBN 3-15-008768-6
Amand Berteloot / Loek Geeraedts (Hrsg.): Reynke de Vos - Lübeck 1498. Zur Geschichte und Rezeption eines deutsch-niederländischen Bestsellers. Münster: Lit 1998 (Niederlande-Studien, Kleinere Schriften 5) ISBN 3-8258-3891-9
Hubertus Menke / Ulrich Weber (Hrsg.): Die unheilige Weltbibel: der Lübecker Reynke de Vos (1498 - 1998). Ausstellung vun der Abteilung fir Nidderdäitsch Sprooch a Literatur vun der Christian-Albrechts-Universität zu Kiel an Zusammenaarbecht mat Bibliothek der Hansestadt Lübeck an der Herzog-August-Bibliothek Wolfenbüttel 1998.

Kuckt och

Renert

Um Spaweck

Reynke de vos
Reineke Vos. No der Lübecker Ausgab vom Joer 1498, erausginn vum Hoffmann von Fallersleben. Breslau 1852

Commons: Reineke Fuchs – Biller, Videoen oder Audiodateien