Republikanesch Partei

D'Republikanesch Partei war eng politesch Partei zu Lëtzebuerg, déi 1989 bei de Chamberwalen ugetrueden ass. Haaptmann war de Jhemp Bertrand, dee bei Parlamentswale vun 1984 mat der Liberaler Partei, a mat deene vun 1994 mat der Partei fir regional a réel Politik ugetruede war.

An engem Walspot huet si e puer vun hire Revendikatioune bekannt gemaach: Fir d'Schafe vun engem Verfassungsgeriicht, dat d'Anhale vun de Verfassungsprinzipien iwwerwaache sollt; géint Grande-surfacen, fir eng Mindestrent vu 40.000 Frang, fir e Bauspuersystem ënner der Kontroll vum Staat, a fir eng manner héich Besteierung.

Si krut kee Mandat an der Chamber.

Kuckt och

• Lëscht vun de politesche Parteien zu Lëtzebuerg