Philippa vu Lëtzebuerg
D'Philippa vu Lëtzebuerg, och Philippine oder Philippote vu Lëtzebuerg, gebuer 1252 a gestuerwen de 6. Abrëll 1311, war d'Duechter vum Grof Heinrich V. vu Lëtzebuerg a senger Fra Marguerite vu Bar. Ëm 1265-1270 huet si de Jean I. vum Hainaut bestuet.
| Philippa vu Lëtzebuerg | |
|---|---|
.jpg) | |
| Gebuer | 1252 |
| Gestuerwen | 6. Abrëll 1311 |
| Famill | |
| Bestuet mat | Jean I. vum Hainaut |
| Papp | Heinrich V. |
| Mamm | Marguerite vu Bar |
| Geschwëster | Isabelle vu Lëtzebuerg, Heinrich VI. vu Lëtzebuerg, Walram I. vu Lëtzebuerg-Ligny |
| Kanner | Wëllem I. vum Hainaut, Marie vum Hainaut, Jean vu Beaumont, Alice vum Hainaut |
 | |
Zesumme krute si:
- Jean, (genannt Jean ouni Gnod) Här vu Beaumont, Grof vun Ostrevent, gestuerwen 1302 an der Schluecht vu Courtrai;
- Henri, Kanonikus zu Cambrai († 1303);
- Simon, huet 1303 gelieft;
- Guillaume I. vum Hainaut (1286 † 1337) Grof vum Hainaut, vun Holland a vu Zeeland (Guillaume III.), Papp vun der Philippa vum Hainaut, Kinnigin vun England; a vun der Marguerite II. vum Hainaut, Fra vum Keeser Ludwig IV. vum Hellege Réimesche Räich ;
- Jean, Här vu Beaumont, (1288 † 1356), 1317 bestuet mat der Marguerite, Gräfin vu Soissons († 1350) ;
- Marguerite († 1342), bestuet 1298 mam Grof Robert II. vun Artois († Courtrai 1302) ;
- Alix, († 1317), bestuet 1290 mam Roger Bigot († 1306), Grof vun Norfolk ;
- Isabelle, († 1305), bestuet 1296 mam Raoul vu Clermont, Här vun Nesle († Courtrai 1302) ;
- Jeanne, Nonn zu Fontenelles ;
- Marie, (1280 † 1354), bestuet 1310 mam Herzog Louis I. vu Bourbon (1279 † 1342) ;
- Mathilde, Äbtissin vun Nivelles.
Si gouf no hirem Doud nieft hirem Mann an der Kierch vun de Frères Mineurs zu Valenciennes begruewen.[1].
Um Spaweck änneren
| Commons: Philippa vu Lëtzebuerg – Biller, Videoen oder Audiodateien |
Referenzen änneren
- ↑ Théodore Leuridan: Epigraphie ou recueil des inscriptions du département du Nord ou du diocèse de Cambrai, Tome X. Lille, Secrétariat de la société d'études de la province de Cambrai, 1938.