Otto Unverdorben
Den Otto Unverdorben, gebuer den 13. Oktober 1806 zu Dahme-Mark, am Süde vu Brandenburg; an do gestuerwen den 28. November 1873, war Geschäftsmann an Apdikter zu Dahme-Mark an hien huet 1826 den Anilin entdeckt.
| Otto Unverdorben | |
|---|---|
 | |
| Gebuer |
13. Oktober 1806 Dahme/Mark |
| Gestuerwen |
28. November 1873 Dahme/Mark |
| Nationalitéit | Kinnekräich Preisen |
| Educatioun |
Universitéit vu Leipzig, Humboldt-Universitéit Berlin |
| Aktivitéit | Chimist |
 | |
Den Otto Unverdorben huet zu Dresden, Halle a Leipzig eng Cheemikerausbildung gemaach. Säi Spezialgebitt war d'dréchen Distillatioun vun organesche Stoffer. 1826 - am Alter vun zwanzeg Joer - huet hien et ronn kritt, fir dee fir d'Faarwen- a Konschtstoffindustrie wichtege Grondstoff Anilin ze fabrizéieren andeems en den natierlechen Indigo mat enger Kallek-Distillatioun behandelt huet. Den Indigo huet sech bei där Distillatioun zersat.
Den Otto Unverdorben huet säin neit Produkt Anilin genannt. (anil = portugisesch fir indigo)
Hie stoung domat um Ufank vun enger neier Industriebranche. E puer grouss Chimiskonzerner hunn haut nach den Numm vu senger Entdeckung an hirem Numm BASF = Badische Anilin- und Sodafabrik, Agfa = Aktiengesellschaft für Anilinfarben.
1829 huet den Otto Unverdorben a senger Heemechtsstad Dahme d'Epicerie vu sengen Eltere geierft a vun do un huet hien net méi an der Fuerschung geschafft.
Hien huet sech beméit, fir d'Zigarenindustrie zu Dahme ze lancéieren, déi iwwer 100 Joer engem groussen Deel vun de Awunner vun Dahme d'Akommes garantéiert huet. Den Otto selwer huet net gefëmmt.
1833 huet en d'Rittergut Glienig (zirka 12 km vun Dahme) kaaft a gouf och do de Schiermhär vun der Duerfschoul, déi haut als Erënnerung un hie säin Numm dréit.