Hochschule für Musik Franz Liszt Weimar

D'Musekshéichschoul Franz Liszt (op Däitsch: Hochschule für Musik Franz Liszt Weimar) ass eng Héichschoul zu Weimar mat ronn 950 Studenten.

Geschicht

D'Iddi fir eng besonnesch Musekschoul zu Weimar hat schonn de Franz Liszt, deen tëscht 1843 an 1861 zu Weimar gewunnt huet. Eréischt am Joer 1872 gouf dunn ënner der Leedung vum Carl Müllerhartung déi éischt däitsch Orchesterschoul zu Weimar gegrënnt. Déi sollt virun allem eng gutt Ausbildung fir Orchestermuseker bidden. D'Orchesterschoul gouf dunn no an no méi grouss, andeems ëmmer weider Fächer ënnerriicht goufen. Eng Zäit laang gouf et och een Departement fir Theater, wat 1947 zougemaach gouf. Zanter 1959 ass d'Musekshéichschoul nom Franz Liszt benannt.

Administratioun

Fächer

D'Musekshéichschoul zu Weimar ass an dräi Fakultéiten ënnerdeelt.

Studéiere kann een do nieft all den Orchesterinstrumenter och ënner anerem Piano, Gittar, Gesang, Jazz, Musekspedagogik, Musekwëssenschaft, Direktioun, Kierchemusek oder Schoulmusek.

Gebailechkeeten

Déi verschidden Departementer sinn uechter ganz Weimar verdeelt:

D'Haaptgebai vun der Héichschoul ass d'Fürstenhaus um Platz der Demokratie. En anert Gebai, d'Hochschulzentrum am Horn, ass an enger renovéierter Kasär. D'Institut fir Schoul- a Kierchemusek ass an engem fréiere Franziskanerklouschter, dem Kolstergebäude am Palais ënnerbruecht, wou och schonn de Martin Luther soll gewunnt hunn.

Direktioun

Hei hannendrun d'Lëscht vun de Rektere vun der Musekshéichschoul Weimar.

Zanter 2010 huet de Leeder vun der Héichschoul net méi den Titel vum Rekter mä vum President.

1872 Carl Müllerhartung
1902 Erich Wolf Degner
1909 Waldemar von Baußnern
1916 Bruno Hinze-Reinhold
1934 Felix Oberborbeck
1939 Paul Sixt
1945 Walter Schulz
1948 Ottmar Gerster
1952 Willi Niggeling
1955 Werner Felix
1966 Johann Cilensek
1972 Hans-Rudolf Jung
1980 Diethelm Müller-Nilsson
1990 Wolfgang Marggraf
1993 Wolfram Huschke
2001 Rolf-Dieter Arens
2010 Christoph Stölzl

Concoursen

D'Musekshéichschoul Weimar organiséiert och eng Rei Concoursen, wéi de Louis Spohr Wettbewerb fir jonk Violonisten, den Internationalen Franz Liszt Wettbewerb fir jonk Pianisten, de Bach-Liszt Wettbewerb fir Uergel oder de Bundeswettbewerb Schulpraktisches Klavierspiel Grotrian-Steinweg fir schoulpraktesche Piano. Dëse Concours ass eenzegaarteg an Däitschland.

Biller

D'Fürstenhaus, d'Haaptgebai vun der Héichschoul
D'Rößlersche Haus, d'Administratiounsgebai
D'Kavaliershäuser Belvedere, Instituter fir Gittar, Gesang a Musektheater
Déi fréier Streichhan-Kasär, haut Hochschulzentrum am Horn
D'fréiert Klouschtergebai „Am Palais“, fir Schoul- a Kierchemusek

Literatur

Wolfram Huschke: Zukunft Musik. Eine Geschichte der Hochschule für Musik Franz Liszt Weimar. Böhlau, Weimar 2006, ISBN 3-412-30905-2.

Um Spaweck

D'Websäit vun der Schoul