Molekularbiologie
D'Molekularbiologie ass de Beräich vun der Biologie, dee sech mat de geneetesche Virgäng an den Zelle beschäftegt, an anere Wieder alles wat mat Nukleinsaieren ze dinn huet. Dëst sinn an éischter Linn:
- d'Replikatioun, d'Kopéiere vun DNS-moleküllen,
- d'Transkriptioun, d'Ëmschreiwe vun der geneetescher Informatioun vun DNS an RNS,
- d'Translatioun (Traductioun), d'Synthes vun Proteinnen no der Informatioun vun der RNS.
Derbäi kommen dann och nach:
- d'Regulatioun vun Transkriptioun an Translatioun,
- d'Spläissen, d'Eliminéiere vun den Intronen aus dem RNS-virleefer,
- d'Retrotranskriptioun, d'Verwandelung vun RNS an DNS bei de Retroviren.
Des Weidere gehéiert och nach d'Erfuersche vun de Genomen a punkto Struktur, Evolutioun a Sequenz zur Molekularbiologie.
Um Spaweck
änneren| Commons: Molecular biology – Biller, Videoen oder Audiodateien |
