Haaptmenü opmaachen

Wikipedia β

Metze Spidol

Fréier Spidol vun Esch (2014)

Dat fréiert Metze Spidol ass e Gebai zu Esch-Uelzecht, dat 1878 vun de Bedreiwer vun der Metze Schmelz gebaut gouf als e Spidol fir hir Aarbechter. Et war dëst dat éischt Spidol zu Esch a gouf ufanks vun de Baarmhäerzege Bridder gefouert.[1]

Et steet op Nummer 1 an der Léon-Metz-Strooss.

GeschichtÄnneren

Während dem Éischte Weltkrich war et e Militärlazarett. Nodeems 1929/30 en neit Escher Spidol a Betrib geholl gi war, gouf et restauréiert an an e Fleegeheem ëmfonctionnéiert, virun allem fir pensionéiert oder invalid Schmelzaarbechter vun der Arbed. 1963 gouf d'Stad Esch Proprietaire.

1981 huet d'Fleegeheem wéinst Personalmangel bei de Baarmhäerzege Bridder de Betrib agestallt, an d'Gebai gouf eng Zäitchen als Foyer du jour fir eeler Leit benotzt. Bis 2009 hat Hëllef Doheem hir Büroen dran.

Zënterhier steet et eidel (Stand: Enn 2014), an et gouf vum Kulturministère proposéiert, et ze klasséieren. An enger Gemengerotssitzung den 12. Dezember 2014 huet awer d'LSAP-Majoritéit fir en negativen Avis gestëmmt.

ArchitekturÄnneren

De Giewel vum Gebai ass am Stil vum flämesche (Neo-)Renaissance, mat "Träppleken" op de Giewelen, déi vu béide Säiten no uewe ginn, an déi am Volleksmond "Kazentrap" genannt ginn.

ReferenzenÄnneren

  1. Quell, wou net anescht uginn: Sascha Seil: "Historisch, architektonisch und ästhetisch, Prädikat erhaltenswert." Tagebaltt, 11. Dezember 2014, S.48.