Liichttuerm vun Ouistreham
De Liichttuerm vun Ouistreham ass en zylinderfërmegen Tuerm deen um Festland steet. En ass 38 Meter héich a rout a wäiss ugestrach.
| Liichttuerm vun Ouistreham | |
 | |
| Positioun : | 49° 16’ 50’’ N 00° 14’ 52’’ O |
|---|---|
| Lokalisatioun : | Ouistreham, Calvados, Frankräich |
| Baujoer : | 1905 |
| Héicht : | 38 m |
| Liichtwäit : | 16 Séimeilen |
| Feier : | E wäisse Blëtz (3 Sekonnen) mat enger Sekonn Paus. E roude Secteur weist d'Direktioun vun de Klippen |
| Optik : | Hallef-Fresnel-Lëns |
| Lanter : | Halogen |
| Ka besicht ginn : | Jo |
| Bewunnt : | Jo |
Dëse Liichttuerm deen 1905 a Betrib goung, huet en ale véiereckegen Tuerm, mat 13 m Héicht vun 1886 ersat.
Den Tuerm bewaacht d'Mëndung vun der Orne an e ka 16 Séimeile wäit gesi ginn.
Iwwer 171 Träppleken aus Granit vu Vire kënnt een op seng Plattform. En ass automatiséiert, et wunnt e Wiechter dran, an et kann een e vu banne kucke goen.
Am Summer 2005, wéi e seng honnert Joer gefeiert huet gouf e Liichtspill um Tuerm installéiert dat d'Basis vum Tuerm beliicht. Dëst changéiert d'Faarf mat der Héicht vum Mier. Bei Flut ass d'Liicht blo, a soss wäiss.