Libellen

Libellen (Odonata) sinn eng Uerdnung an der Klass vun den Insekten (Insecta). Weltwäit si ronn 4700 Aarte vu Libelle bekannt.

Libellen
Jonke Männche vun der Leucorrhinia rubicunda (Nordische Moosjungfer), déi et och zu Lëtzebuerg gëtt Jonke Männche vun der Leucorrhinia rubicunda (Nordische Moosjungfer), déi et och zu Lëtzebuerg gëtt
Systematik
Räich: Déiereräich Stamm: Arthropoden Klass: Insekten Ënnerklass Fluchinsekten Uerdnung: Libellen
Wëssenschaftlechen Numm
Odonata
Ënneruerdnungen
Grousslibellen (Anisoptera) Klenglibellen (Zygoptera) Urlibellen (Anisozygoptera)

 Méi Informatioun doriwwer am Artikel: Systematik vun de Libellen.

Libellen zu Lëtzebuerg

2006 konnten enger Studie vum Roland Proess no, 62 Libellenaarten zu Lëtzebuerg nogewise ginn.

 Méi Informatioun doriwwer am Artikel: Lëscht vun de Libellen zu Lëtzebuerg.

Nimm

"Waasserjoffer" a "Spéngelschësser" sinn déi (nieft Libell) gängest lëtzebuergesch Bezeechnungen fir dës Insektenuerdnung. Variante vu "Waasserjoffer" si Joffer, Waasserfra, -frächen, -mamm, -nënnchen, -popp, oder -pippelchen. Dem Luxemburger Wörterbuch no géifen s'esou differenzéiert: "déi eng [d.h d'Spéngelschësser] si méi kleng, ganz dënn, bal wéi eng Spéngel mat engem décke gliese Kapp, a si hun eng Faarf, wéi wa s'aus Stol wieren — déi aner [d'Waasserjofferen] si vill méi grouss a méi déck, mat engem frääschleche Kapp, mat gréngelzege Flillécken a mat engem gielzeg grénge Bauch."

Literatur

• Proess, R., 2006: Verbreitungsatlas der Libellen des Großherzogtums Luxemburg. Ferrantia. Trav. sc. Musée nat. hist. nat. Luxembourg 47, 164 S.

Um Spaweck

Commons: Odonata – Biller, Videoen oder Audiodateien

• De Verbreedungsatlas vum Roland Proess als PDF-Datei