Léon Daum
De Léon Daum, gebuer den 21. Mäerz 1887 zu Nanzeg, gestuerwen den 31. Mee 1966 och do, war e franséischen Industriellen. Vun 1952 - 59 war hie franséische Member vun der Héijer Autoritéit (dem Executivorgan vun der CECA), déi den 10. August 1952 zu Lëtzebuerg hir Aarbecht opgeholl huet.
| Léon Daum | |
|---|---|
 | |
| Gebuer |
21. Mäerz 1887 Nanzeg |
| Gestuerwen |
28. Mee 1966 Paräis |
| Nationalitéit | Frankräich |
| Educatioun |
École polytechnique, École nationale des mines vu Paräis |
| Aktivitéit | Ingenieur |
 | |
No senger Formatioun op der École polytechnique an de Joren 1905-1907 huet hie vun 1911 un als Biergingenieur geschafft, vun 1913 un a Marokko.
Am Krich 1914-1918 war hien Artillerieoffizéier. 1919 gouf hien erëm Biergwierksingenieur op der Saar. 1927 gouf e Generaldirekter vun der Compagnie des forges et aciéries de la marine et d'Homécourt. Am Joer 1949 ass hien hire Vizepresident ginn a geschwënn drop gouf e President vun der "Sollac" (Société lorraine de laminage continu - "Loutrengesch Walzwierksgesellschaft"). Ausserdeem war en am Verwaltungsrot vu verschiddene groussen Entreprisen, wéi "Sidelor", dem Héichuewewierk zu Givers, de Schmelze vu Saint-Étienne a vun Dillingen, awer och am Opsiichtsrot vum Crédit National.