Kultur lx
lëzebuergesch Plattform
Kultur | lx – Arts Council Luxembourg ass eng Plattform, déi déi verschidden Intitiative koordinéiert, déi hëllefe solle fir d'Kulturzeen zu Lëtzebuerg z'ënnerstëtzen, ze subventionéieren an ze verbreeden.[1]
Se gouf am Juli 2020 gegrënnt an ënnersteet dem Kulturministère.
Hir Aktivitéite fokusséieren op dës dräi Schwéierpunkter:[1]
- d'Entwécklung vun de Karriäre vun de Kënschtlerinnen a Kënschtler vu Lëtzebuerg;
- d'Verbreedung vum kënschleresche Schafen ënnerstëtzen a fërderen;
- d'kënschleresch Kreatiounen national an international méi bekannt maachen.[1]
Ënnert dem Daach vu kultur | lx ginn Honnerte vun Initiativen an Aufgabe vereent, wéi z. B. music:LX oder Reading Luxembourg. Mëttel- a laangfristeg soll déi Plattform den Haapt-Uspriechpartner sinn, fir Fachleit aus de Sparten Architektur, Design, Konschthandwierk, Multimedia- an Digitalkonscht, Literatur a Verlagswiesen, Musek a performativ Konscht ze begleeden an ze promouvéieren.[1]