Kryosphär

D'Kryosphär (Algriichesch: κρύος kryos‚ ‚Frascht‘) ass dat ganzt Virkomme vum feste Waasser (Äis) op engem Himmelskierper. Wéinst der klenger Dicht vum Äis ass et an der Reegel no bei der Uewerfläch vum Himmelskierper a kann zudeem selwer entweeder Deeler vun der Uewerfläch oder souguer déi ganz Uewerfläch bilden.

Kaarte vun der Kryosphär vun der Äerd

Kryosphär vun der Äerd

D'Kryosphär vun der Äerd ëmfaasst:

• Mieräis a Schelfäis
• Landäis a Gletscher
• Äis an Permafrostbuedem an Äishöhlen
• Äiskristalle a Wolleken souwéi Schnéi an Äisdecken op Bannegewaasser als generell resp. joreszäitlech staark verännerlech Komponenten

Si ass en Deel vun der Hydrosphär an, wéi déi, en Deel vum Sphäresystem vun der Äerd. D'Kryosphär vun der Äerd huet eng grouss Bedeitung fir d'Klimasystem, well d'Äis reflektéiert wéinst sengem héije Réckstralverméigen (Albedo) eng grouss Mass vun der Sonnenastralung inklusiv der Hëtzstralung, un de Weltraum. Ausdeenung a Réckzuch vu kontinentalen Äisschëlter a Mieräisflächen hunn dofir Réckkopplungseffekter op d'Ofhuele resp. d'Eropklamme vun der duerchschnëttlecher Welttemperatur.

Aner Himmelskierper

No der hei duergestallter Virstellung vum Opbau vum Jupitermound Ganymed besteet seng Kryosphär aus ettlech grousse Schichten an huet vill Undeel um ganze Volume vum Himmelskierper.

Wärend d'Kryosphär op der Äerd nëmmen en extreem klengen Deel vum ganze Planéitevolumen huet, ass deen Deel bei zolitten Objeten am bausse Sonnesystem bedeitend méi grouss.

An der Déift vu sou Äismounde läit d'Äis warscheinlech a sougenannte Héichdrockmodifikatioune vir, déi jee eng aner Kristallstruktur an eng méi héich Dicht hunn, wéi "normaalt" Äis.

Kuckt och

Portal Astronomie

• Waasseräisvirkommen am Universum

Um Spaweck

• All About the Cryosphere. Websäit vum National Snow and Ice Datacenter (NSIDC) vun den USA iwwer d'Kryosphär vun der Äerd.