Krepp

Krepp ass eng Zort Stoft, deen zimmlech labber gewieft ass, an eng gekrauselt Uewerfläch huet. Kreppe kënnen aus verschiddenen Zwiren hiergestallt ginn, wéi z. B. Seid oder Woll.

Bléck op e Kimono

De Seidekrepp gëtt aus lénks- a rietsgedréinten Zwiren hiergestallt. An der Kette leien ofwiesselnd riets- a lénksgedréinte Fiedem niefteneen. Am Schoss wiessele sech zwéi lénksgedréinte Fiedem mat zwéi rietsgedréint Fiedem of. Bei der Preparatioun gëtt d'Gewiefs mat waarmem Waasser fiicht gemaach, an da mat engem Kallefs- oder Séihondspelz dem laange Wee no gekämmt. Doduerch entstinn d'Krauselen.

De wëllene Krepp fir Fraen huet 31 Kettefiedem a 35 Schossfiedem um cm, an den Härekrepp fir Summergezei huet der 30 vun all Zort. Kreppe fir Miwwelen z'iwwerzéien hunn 20 Ketten- an 12 Schossfiedem.